როგორც თბილისის მერმა დავით ნარმანიამ აღნიშნა, ქალაქისთვის ამხელა ინვესტიცია სტიმულია სხვა ინვესტორებისთვის. „ეს ნიშნავს, რომ თბილისი რჩება ეკონომიკურად მიმზიდველ ქალაქად. სამორინე „ამბასადორის“ გახსნა დამატებით სამუშაო ადგილებთან ერთად, ქალაქის ვიზიტორებს დასვენების კარგ შესაძლებლობებს აძლევს,“ - აღნიშნა თბილისის მერმა.
ღონისძიებაზე მისულ სტუმრებს შესაძლებლობა მიეცათ, კლასიკური მუსიკისთვის მოესმინათ. სპეციალურად მიწვეულმა საერთაშორისო რანგის მუსიკოსმა, იტალიელმა აკორდეონისტმა მარიო სტეფანო პიეტროდარკიმ, დირიჟორ ნიკოლოზ რაჭველთან და ქართველ პიანისტ ვაკო შიუკაშვილთან ერთად დაუკრა.
00:00 საათზე კაზინო „ამბასადორის“ ხელმძღვანელობამ სადღესასწაულო ტორტი გაჭრა.
ასევე სამორინე „ამბასადორი“ გათამაშებების სერიას იწყებს, როგორც სლოტ, ასევე მაგიდების მოთამაშეებისთვის. გარანტირებული საპრიზო ფონდს შეადგენს სხვადასხვა ფულადი პრიზი და ავტომობილი მაზერატი კვატროპორტე.
სამორინე „ამბასადორი“ ელიტური სათამაშო კლუბია, რომელიც სტუმრებს მრავალფეროვანი გართობისა და აქტიური დასვენების შესაძლებლობას სთავაზობს. მას საფუძვლად პრემიუმ კლასის სამორინეს იდეა დაედო, რაც თითოეული მომხმარებლისადმი ინდივიდუალურ მიდგომას და მაღალი კლასის მომსახურებას ითვალისწინებს. დახვეწილი დიზაინი, კომფორტული გარემო და უნაკლო სერვისი სასტუმრო „ამბასადორის“ კონცეფციის ერთგვარი გაგრძელებაა. აქ ყველა პირობაა იმისთვის, რომ სტუმარმა თამაშისა და გარემოსგან თანაბარი სიამოვნება მიიღოს.
კაზინოს დიზაინიზე, სასტუმროს მსგავსად, ცნობილმა იტალიელმა დიზაინერებმა იზრუნეს. ხოლო სამორინეს სათამაშო მაგიდები და აქსესუარები წამყვან იტალიურ ბრენდ Abbiati-ს ეკუთვნის, რომელიც ამ მიმართულებით მსოფლიოს ნომერ პირველი მოთამაშეა და თითქმის ნახევარი საუკუნეა, პოზიციებს არ თმობს.
„ამბასადორში“ სტუმრებისთვის ბლექ ჯეკი, ამერიკული რულეტი ბაკარა, ყველა სახეობის პოკერი და თანამედროვე სლოტ აპარატებია წარმოდგენილი.
ობიექტი კლიენტებს კვირაში 7 დღე - 24 საათის განმავლობაში მოემსახურება.