თბილისის წიგნის საერთაშორისო ფესტივალის ოფიციალური გახსნის ცერემონია გაიმართება 25 მაისს, 13:00-ზე, მე-11 პავილიონის მთავარ სცენაზე.
ღონისძიების ფინანსური მხარდამჭერია საქართველოს კულტურისა და ძეგლთა დაცვის სამინისტრო, საქართველოს პრეზიდენტის სარეზერვო ფონდი, ქალაქ თბილისის მერია,
ღონისძიების ოფიციალური პარტნიორია ტელეკომპანია იმედი.
თბილისის წიგნის XIX საერთაშორისო ფესტივალის ფოკუს ქვეყანა ნორვეგიაა. სწორედ ნორვეგია გადაიბარებს 2018 წელს ფრანკფურტის წიგნის ბაზრობის საპატიო სტუმარი ქვეყნის სტატუსს საქართველოსგან და მისით 2019 წელს ისარგებლებს.
მსოფლიოს ერთ-ერთი ყველაზე გავლენიანი ლიტერატურული ფონდი NORLA და ოთხი ნორვეგიელი მწერალი: როსკვა კორიცინსკი, ნილს ჰენრიკ სმითი, სიმენ ეკერნი და სიგბიორნ მოსტიუ წელს თბილისის წიგნის XIX საერთაშორისო ფესტივალის სპეციალური სტუმრები არიან.
წლევანდელ ფესტივალში 60-მდე გამომცემლობა და წიგნის მაღაზია მიიღებს მონაწილეობას.
არ გამოტოვოთ შანსი, რომ მსოფლიო კლასიკა და ბესტსელერები დიდი ფასდაკლებებით შეიძინოთ.
