1. შეინახეთ ყველა წვრილმანი, რასაც ბავშვი გაჩუქებთ. ეს ბავშვებისთვის ძალიან მნიშვნელოვანია.
2. შეახსენეთ, რომ მისი მამიკო - საუკეთესოა მსოფლიოში. ყოველ შემთხვევაში ეცადეთ, რომ მამიკოზე ცუდი არაფერი გაიგოს.
3. შეასრულეთ დაპირებები, ან ნუ დაჰპირდებით საერთოდ!
4. მიეცით უფლება, მიიღოს დამოუკიდებელი გადაწყვეტილებები.
5. გამბედავად ითხოვეთ პატიება, თუ არ აღმოჩნდით მართალი.
6. აღიარეთ შეცდომები. ეს აჩვენებს პატარას, რომ ის არ არის ერთადერთი, ვინც შეცდომებს უშვებს.
7. სთხოვეთ ბავშვებს დახმარება.
8. ენდეთ პატარას. ასე ის დამოუკიდებელი ადამიანი გახდება.
9. სთხოვეთ რჩევები და აჩვენეთ, რომ მათი აზრი თქვენთვის მნიშვნელოვანია.
10. ყველაზე სასაცილო საუბრებსაც სერიოზულად მიუდექით. ნუ დასცინებთ თქვენს პატარას.
11. მიეცით ბავშვს ბავშვობის უფლება: მხიარულების, საწოლზე ხტუნაობის...
12. გახსოვდეთ, რომ თავისუფლებასაც აქვს საზღვრები.
13. მიეცით უფლება, ხანდახან დაარღვიოს წესები: მაგალითად, უყუროს გვიანობამდე ტელევიზორს, თუ მეორე დღეს სკოლაში არ მიდის.
14. ხშირად უთხარით „მადლობა“.
15. ასწავლეთ და ისწავლეთ პატიება.
16. ასწავლეთ ბავშვს, იცინოს საკუთარ თავზე. ეს აუცილებლად გამოადგება ცხოვრებაში.
17. ვახშმობისას გამოკითხეთ განვლილი დღის შესახებ.
18. შეაქეთ შვილი, ხანდახან სხვების თანდასწრებითაც. ასეთი მომენტები ბევრს ნიშნავს ბავშვებისთვის!
19. ხშირად უთხარით კომპლიმენტები.
20. ჩაეხუტეთ პატარას და სთხოვეთ მას, ჩაგეხუტოთ, როდესაც ცუდ ხასიათზე ხართ.
21. ხშირად აკოცეთ და მოეფერეთ.
22. ასწავლეთ ბავშვს, იუმორით მიუდგეს ყველაზე რთულ სიტუაციებსაც.
23. გამოყავით დღე, რომელსაც სრულად დაუთმობთ პატარას.
24. ყოველი დილა სასიამოვნოდ დაიწყეთ.
25. ნუ დაგავიწყდებათ წვრილმანები, რომლებიც ბავშვისთვის მნიშვნელოვანია, თუნდაც ეს თქვენი შვილის საყვარელი სათამაშოს სახელი იყოს.
26. ზღაპრების ნაცვლად ხშირად მოუყევით ისტორიები თქვენი საკუთარი ცხოვრებიდან.
27. ხშირად იცეკვეთ ერთად. ასე, უბრალოდ და მიზეზგარეშე!
28. იმღერეთ თქვენც, როცა ბავშვი მღერის.
29. მოამზადეთ ერთად. ეს ძალიან მხიარული წუთებია, თუნდაც ერთად მოიფიქრეთ მარტივი რეცეპტები.
30. ხშირად უთხარით, როგორ გიყვართ!
