„ეს ტრენინგი, უზრუნველყოფს მიმდინარე წლის არჩევნებისთვის მზაობას, რათა ადგილობრივი არჩევნები მეტი დემოკრატიულობითა და ნაკლები კანონდარღვევით ჩატარდეს,“ - განაცხადა დემოკრატიულ ინიციატივათა საერთაშორისო ცენტრის გამგეობის თავმჯდომარემ მერი კაპანაძემ.
საერთაშორისო დელეგაცია დააკვირდა პროექტის ,,ძლიერი პოლიტიკური პარტიები- დედაქალაქის განვითარებისათვის“ მიმდინარეობის პროცესს და დადებითად შეაფასა აქტივობები ქვეყნის დემოკრატიული განვითარებისათვის.
დემოკრატიულ ინიციატივათა საერთაშორისო ცენტრის გამგეობის თავმჯდომარემ უცხოელ დელეგატებს, ორგანიზაციის გეგმები, მიზნები და მისწრაფებები გააცნო.
მერი კაპანაძის თქმით, პროექტის მიზანია პოლიტიკური პარტიების წარმომადგენლების კვალიფიკაციის ამაღლება საარჩევნო სამართლის მიმართულებით: „ვიმედოვნებ, პროექტის შედეგად განვითარდება საარჩევნო შესაძლებლობები. სამომავლოდ, უფრო აქტიურად ჩავერთვებით საარჩევნო სისტემების რეფორმებისა და საკანონმდებლო დახვეწის პროცესში“.
ორგანიზაცია ICDI 2009 წლის 29 აპრილს დაარსდა. ის აქტიურად მუშაობს ადამიანის უფლებათა დაცვისა და ადვოკატირების მიმართულებით, უზრუნველყოფს არჩევნების პოპულარიზაციას სამოქალაქო საზოგადოებაში და ნდობის განმტკიცებას საარჩევნო პროცედურების მიმართ.