ჭიქა ულვაშებისთვის (4 ფოტო)
საკნატუნო ამბები
არ გეგონოთ, რომ ასეთი ჭიქები სპეციალურად თანამედროვე ჰიპსტერებისთვის შეიქმნა. ჭიქა ულვაშებისთვის ჯერ კიდევ ვიქტორიანულ ეპოქაში გამოჩნდა და ძალიან დიდი პოპულარობით სარგებლობდა დიდ ბრიტანეთში...
-
ვიქტორიანულ ეპოქაში ყველა ჯენტლმენი, ვინც საკუთარ თავს პატივს სცემდა, ულვაშს ატარებდა. ვიქტორიანელ ჯენტლმენებს ძალიან უყვარდათ თავიანთი ულვაშები, საათობით ივარცხნიდნენ, რათა განსაკუთრებული ჰაეროვნება მიენიჭებინათ. ამის შემდეგ კი ცვილს ისვამდნენ, რომლის მეშვეობითაც სასურველ ფორმას აძლევდნენ. აი, ცხელი სასმელების დაგემოვნებისას კი ორთქლი ცვლის ადნობდა, რომელიც საბოლოოდ ჭიქაში აღმოჩნდებოდა ხოლმე.
-
ბუნებრივია, ამ დროს ჩაის გემო ეკარგებოდა, ულვაშებს კი - ფორმა. კიდევ ერთი საშიშროება ის იყო, რომ ჩაით თუ ყავით დასველებული ულვაში ფერსაც იცვლიდა. ამიტომაც საჭირო გახდა, რამე მოეფიქრებინათ. 1860 წელს ინგლისელი ჰარვი ადამსის ამ გენიალურმა გამოგონებამ ულვაშიან ჯენტლმენებს ცხელი სასმელებით ტკბობის საშუალება მისცა.
-
ჭიქა ულვაშებისთვის - ეს იყო ჩვეულებრივი ჭიქა, სპეციალური პატარა „მოედნით“, სადაც ულვაშების მოთავსება შეიძლებოდა. სიახლე ყველას მოეწონა და მალე მთელ ევროპაში გავრცელდა.
