სერიალ „ფარული ვნების“ მსახიობები დღეს (6 ფოტო)

დანა გარსია - კოლუმბიელი მსახიობი და მომღერალი თავის ქვეყანაში დღემდე ძალიან პოპულარულია. დანას კარიერაში ყველაზე დიდი წარმატება სწორედ „ფარულმა ვნებამ“ მოუტანა. მას შემდეგ მსახიობმა 15 სერიალში ითამაშა. მათ შორის უკანასკნელი იყო 2016 წელს გადაღებული „ამორძალები“. რაც შეეხება პირად ცხოვრებას, მიუხედავად იმისა, რომ მსახიობს თავისი გულშემატკივრები მუდმივად „აწყვილებენ“ ხოლმე სერიალებში თავის სხვადასხვა პარტნიორებთან, დანას ოფიციალური საქმრო იყო კოლუმბიის თავდაცვის ვიცე-მინისტრი ხორხე ესტმანი. თუმცა დანამ ბოლო წუთს გადაიფიქრა და ეს ქორწინება არ შედგა. ასე რომ, 39 წლის ლამაზმანი დღეს კვლავ მარტოა.

მარიო ჩიმარო - ამ სიმპათიურ მექსიკელ მსახიობს „ფარულმა ვნებამ“ დიდი წარმატება მოუტანა. მისი მეუღლე იყო ვენესუელელი მსახიობი, უმშვენიერესი ნატალია სტეიგნარდი. თუმცა მარიოს პოპულარობასთან ერთად, წყვილის ურთიერთობა დაიძაბა. საბოლოოდ ისინი დაშორდნენ, თუმცა კარგ მეგობრებად დარჩნენ. მარიოს მძიმე ხასიათს, როგორც ამბობენ, რეჟისორებიც უფრთხიან, რის გამოც შეთავაზებებმაც იკლო. დღეს 48 წლის მარიო მარტო ცხოვრობს. მას ნატალიასთან შვილი არ ჰყოლია.

მიშელ ბრაუნი - არგენტინელი მსახიობი, მომღერალი და კომპოზიტორი „ფარული ვნების!“ ერთ-ერთ გამორჩეულ პერსონაჟს ასრულებს. მისი გმირი ფრანკო რეისი სიყვარულისთვის თავგანწირული იბრძვის. ამ როლისთვის ბრაუნმა რამდენიმე პრემია მიიღო. დღეს იგი 41 წლისაა, დაქორწინებულია, მისი მეუღლეა 29 წლის კოლუმბიელი მსახიობი მარგარიტა მუნოსი. ბრაუნი წარმატებით აგრძელებს მოღვაწეობას კინოში. ბოლო როლი 2016 წელს შეასრულა მექსიკურ დრამაში „პარალელური გზები“.

პაოლა რეი - კოლუმბიელი მსახიობი, მომღერალი და მოდელი დღემდე წარმატებით მოღვაწეობს. იგი 37 წლის არის, თუმცა ულამაზესი კოლუმბიელი ქალების სიაში საპატიო ადგილს კვლავ იკავებს. პაოლას მეუღლე არ ჰყავს, თუმცა ჰყავს მეგობარი მამაკაცი - მსახიობი ხუან კარლოს ვარგასი.

ხუან ალფონსო ბაპტისტა - ვენესუელელი მსახიობი დღეს 30 წლისაა. პირველი სერიოზული წარმატება „ფარულმა ვნებამ“ მოუტანა. მისი ბოლო ნამუშევარია ერთ-ერთი მთავარი როლი 2012 წელს გადაღებულ სერიალში „რეის ოჯახი“. ჰყავს მეგობარი გოგო - ლათინოამერიკელი მსახიობი, ულამაზესი გაბრიელა ესპინო. 

ნატაშა კლაუსი - კოლუმბიელი მსახიობი, რომელზეც თავის ქვეყანაში ამბობენ, რომ, თუ სერიალში თამაშობს ნატაშა კლაუსი, მხოლოდ მის გამოც კი ღირს ამ სერიალის ნახვა. ნატაშა დღემდე აქტიურად მონაწილეობს სერიალებში. ნატაშას სიყვარული გადასაღებ მოედანზე ეწვია. მისი მეორე

ნახევარი, ასევე, კოლუმბიელი მსახიობი მარსელო გრეკოა, ჰყავთ ორი შვილი.