1. ქალი-ოცნება
თქვენ გიყვართ ოცნება და გჯერათ სასწაულების, ამიტომაც არ არის გასაკვირი, რომ თეთრ ცხენზე ამხედრებულ პრინცს ელოდებით. ცოტა ინფანტილური და გულუბრყვილო ხართ, თქვენს დიდ გულში ყველასთვის მოიძებნება ადგილი. კარგი ინტუიციის წყალობით სწორი გადაწყვეტილებების მიღებას ახერხებთ. თქვენ ყოველთვის უსმენთ და უჯერებთ საკუთარ გულისთქმას.
2. არისტოკრატი ქალი
თქვენ ახერხებთ, ყოველდღიურ სამოსშიც კი ბრწყინვალედ გამოიყურებოდეთ. ასეთი ქალები ადვილად ახერხებენ ადამიანთა გულისა და გონების დაპყრობას. მამაკაცები გაღმერთებენ. ამაყი ხართ, რაც ზოგჯერ ქედმაღლობაში გადაგდით. ისეთი ნივთები გიყვართ, რომლებიც თქვენს ელეგანტურობას უსვამს ხაზს.
3. იდეალური ცოლი
თქვენნაირ ქალზე ყველა მამაკაცი ოცნებობს. კარგი გემოვნება გაქვთ, ყოველთვის აკურატულად მოვლილი ხართ. თქვენი თავდაჯერებულობა აღფრთოვანებას იწვევს, მათ შორის - თქვენი მამაკაცისაც. თქვენ ემოციური, მაგრამ ძლიერი პიროვნება ხართ, ასევე - საუკეთესო დიასახლისი, მუდამ ზრუნავთ ოჯახზე, გიყვართ მზარეულობა და უთოობა.
4. თავბრუდამხვევი ქალი
მამაკაცებში უდიდესი პოპულარობით სარგებლობთ, მაგრამ თქვენ მხოლოდ ერთის ერთგული ხართ. მბრძანებლური და ძლიერი ხასიათი გაქვთ. გიყვართ, როცა სიამოვნებას იღებთ და დროს გონიერად ატარებთ. თქვენი სილამაზე და ჭკუა ყველას აღაფრთოვანებს, თუმცა ამის გამო ხშირად ხართ ჭორაობის ობიექტიც.
5. დიასახლისი
დედამიწაზე არ მოიძებნება მსგავსი მზრუნველი ცოლი და დედა. ეგოიზმი - ეს თქვენთვის უცხო სიტყვაა. ქმრის, შვილებისა და ნათესავების სიყვარულში ბოლომდე იხარჯებით. თუმცა ზოგჯერ საკუთარ თავზეც უნდა იფიქროთ - დაისვენოთ, წახვიდეთ სილამაზის სალონში. მართალია, ბავშვობაში ვიღაცები ახერხებდნენ თქვენთვის გულის ტკენას, მაგრამ ასაკთან ერთად სიბრძნე მოგემატათ და ადამიანებში გარკვევაც ისწავლეთ.
6. მუზა
თქვენნაირი ქალები ადამიანებს ერთი შეხედვით ხიბლავენ. თქვენში არის რაღაც ისეთი, რაც მამაკაცებს მაგნიტივით იზიდავს. ცხოვრების გზაზე წელგამართული მიაბიჯებთ. უცხოებთან კონტაქტს ერიდებით. არ გიყვართ სახლის საქმეები, თუმცა სიამოვნებით გააწყობთ რომანტიკულ ვახშამს, თუკი პარტნიორი დაგაინტერესებთ.