13 ბიჭის დედა პირობას დებს, რომ გოგოს გაჩენამდე არ გაჩერდება (7 ფოტო)

„ყოველთვის აღფრთოვანებული ვიყავი ისეთი ფეხბურთელებით, როგორებიც არიან რივალდო, რობერტო კარლოსი, რონალდინიო და რონინიო“, - ამბობს კრუზი. საუკეთესო ფეხბურთელების სახელები „რ“ ასოზე იწყება. გადავწყვიტე, შევქმნა სამხრეთამერიკული ფეხბურთი და ჩემს შვილებს მათ პატივსაცემად დავარქვა სახელები“.

ცოტა ხნის წინ წყვილს მეცამეტე შვილი, რონალდუ შეეძინა. მშობლებს იმედი ჰქონდათ, რომ ცამეტი რიცხვი ბედნიერი აღმოჩნდებოდა და გოგონა შეეძინებოდათ, მაგრამ როდესაც სამშობიაროში მას უთხრეს - „ბიჭია“, წყვილმა დაიფიცა, კვლავ გაეგრძელებინა მცდელობა.

ირენეი ფეხბურთის დიდი მოყვარულია, ის, ასევე, არბიტრიც გახლავთ თავისი შვილებისა და მეზობელი სოფლების ბავშვების გუნდების მატჩში, რომელიც ყოველ კვირა იმართება. კრუზი ოცნებობს, რომ მისმა შვილებმა ბრაზილიის ნაკრებში ითამაშონ.

ყველაზე უფროსი შვილი 18 წლის არის, უმცროსი - თვეების. ირენეის ყველა შვილის სახელი „რ“ ასოზე იწყება: რობსონი, რეინანი, რაუანი, რუბენსი, რივალდო, რუანი, რამონი, რინკონი, რიკელმე, რამირესი, რაილსონი, რაფაელი და რონალდუ.

ექსპერტების აზრით, 13 მშობიარობიდან 13-ვე ბიჭის გაჩენა 8 ათასიდან 1 შანსია და კრუზის ოჯახი ყველაზე იშვიათია მსოფლიოში.

მიუხედავად იმისა, რომ ჯუსის არცერთი შვილისთვის სახელი არ დაურქმევია, ამბობს, რომ ბედნიერია: „სადილზე 1 კილოგრამ ბრინჯს, 1 კილოგრამ ლობიოს და მაკარონს ვხარშავ. რა თქმა უნდა, არსებობს მომენტები, როდესაც რთულია, მაგრამ ჩვენს ოჯახში არავინ შიმშილობს. ერთი ნატეხი პურიც რომ გვქონდეს, ყველაზე თანაბრად ნაწილდება“. 

მრავალშვილიანი დედა გოგოს გაჩენის იმედს არ კარგავს.