ტესტი საკმაოდ მარტივია - თქვენ უნდა ჩაჯდეთ და ადგეთ ისე, როგორც ფოტოებზეა ნაჩვენები. 
1. გაიხადეთ ფეხსაცმელი და იატაკზე დადექით გადაჯვარედინებული ფეხებით. ვარჯიშის დაწყებისას თქვენ 10 ქულა გაქვთ.
2. გადაჯვარედინებული ფეხებით ჩაჯექით. ჩაჯდომისას არაფერს დაეყრდნოთ და არც ხელი, მუხლი, მაჯა ან ფეხი მიახმაროთ, რადგან თითოეული ასეთი მიხმარებისას გაკლდებათ 1 ქულა. თუ თქვენ ჩაჯდომა დაუხმარებლად მოახერხეთ, მაგრამ წომასწორობას ვერ ინარჩუნებთ, ამ შემთხვევაში გაკლდებათ ნახევარი ქულა.
3. ჩამჯდარ პოზაში ცოტახანს გაჩერდით, შემდე კი სცადეთ, ისევ ფეხებგადაჯვარედინებული ადგეთ. ისევ არაფერი დაიხმაროთ. ყოველ დახმარებაზე კვლავ დაკარგავთ თითო ქულას. წონასწორობის დარღვევისას კი -ნახევარ ქულას.
4. ახლა კი დაითვალეთ, რამდენჯერ შეაშველეთ მაჯა, იდაყვი, მუხლი თუ ფეხი და დაკარგეთ წონასწორობა.
დაგროვებული „-1“ შეკრიბეთ, გამოაკელით საწყის 10 ქულას და ნახეთ შედეგები:
8-10 ქულა: კარგი შედეგია. თქვენ ჯანსაღად ცხოვრობთ და სხეულიც მშვენიერ მდგომარეობაში გაქვთ. ჯანმრთელობის მხრივ ყველაფერი წესრიგშია.
6 - 7.5 ქულა: ნორმალური შედეგია. ჯერჯერობით არაფერი გემუქრებათ.
3.5 - 5.5 ქულა: ეს უკვე გაფრთხილებაა. პრობლემები გაქვთ. მომდევნო 6 წელიწადში თქვენს სიცოცხლეს 2-ჯერ მეტი საფრთხე ემუქრება, ვიდრე ზედა ორ კატეგორიაში მოხვედრილ ადამიანებს.
0 - 3 ქულა: ეს სერიოზული გაფრთხილებაა თქვენი ორგანიზმი ცუდ მდგომარეობაშია. მომდევნო 6 წელიწადში თქვენს სიცოცხლეს 5-ჯერ მეტი საფრთხე ემუქრება, ვიდრე ზედა ორ კატეგორიაში მოხვედრილ ადამიანებს.
ეს ტესტი, რა თქმა უნდა, არ არის გათვლილი სპეციფიკური დაავადებების მქონე ადამიანებისთვის, თუმცა მოსინჯვა ყველასთვის საინტერესო იქნება.
თუ ბოლო ორ კატეგორიაში მოხვდით, აუცილებლად სერიოზულად მიხედეთ თქვენს ჯანმრთელობას, რათა შემდეგ ძალიან დაგვიანებული არ იყოს.
