თუ თქვენ ერთ ჭიქა ალკოჰოლზე წითლდებით, შესაძლოა, საქმე გვაქვს ალკოჰოლის თანდაყოლილ აუტანლობასთან.
„ალკოჰოლური სიწითლის“ ნიშნები და სიმპტომებია:
სახის წამოწითლება;
თბილი, წითელი ამობურცულობა კანზე, ახლავს ქავილი;
არსებული ასთმური მდგომარეობის გაუარესება;
ცხვირის ღრუს დახშობა ან გამონადენი ცხვირიდან;
დაბალი არტერიული წნევა;
გულისრევა და ღებინება;
ფაღარათი;
ალკოჰოლის აუტანლობა გენეტიკური მდგომარეობაა. ამ დროს ორგანიზმში არ არის საკმარისი ფერმენტები ალკოჰოლის მოლეკულების დასაშლელად.
ამ შემთხვევაში მკურნალობის ერთადერთი გზა ალკოჰოლისგან თავის შეკავებაა.
ალკოჰოლის აუტანლობა არ არის ალერგია, თუმცა ზოგჯერ შესაძლოა, ალკოჰოლის დანამატებმა (სხვადასხვა ქიმიური მოლეკულები, კონსერვანტები) გამოიწვიოს ალერგიული რეაქცია, რომელიც აუტანლობაში არ უნდა აგვერიოს.
გამომცემლობა BusinessInsider-ში გამოქვეყნებული მასალის მიხედვით, თუკი უფრო სერიოზულ შედეგებზე ვისაუბრებთ, „ალკოჰოლური სიწითლე“ ყელსა და პირის ღრუში კიბოს განვითარების რისკსაც ზრდის.
მაშ ასე, თუკი ერთი-ორი კათხა ლუდის მიღების შემდეგ წითლდებით, ეს უკვე მიზეზია იმისთვის, რომ საკუთარ ჯანმრთელობაზე სერიოზულად დაფიქრდეთ.
