დანაკარგი მხოლოდ საღამოს შეამჩნიეს. ძიება მთელ ქალაქში გაიშალა. ბოლოს ინსპექტორმა ვარნიკემ შეძლო, აღმოეჩინა ადამიანი, რომელმაც, ინსპექტორის აზრით, ფოტოაპარატი გაიტაცა.
დაკითხვა ინსპექტორის კაბინეტში მიმდინარეობდა. ბრალდებული კატეგორიულად უარყოფდა ბრალდებას და ალიბიც წარმოადგინა.
- ინსპექტორო, როგორც თქვენი სიტყვებიდან ჩანს, ქურდობა შუადღისას მოხდა. სწორედ ამ დროს ჩემს საცოლეს შევხვდი. თქვენ ამის შემოწმება ადვილად შეგიძლიათ - დაურეკეთ სამსახურში. ჩვენ პარკში ვსეირნობდით, როცა სრულიად შემთხვევით მე მას საათის ქვეშ გადავუღე ფოტო. დანაშაულის ადგილი პარკისგან ძალიან შორს არის. ამგვარად, ამ ფოტოს მეშვეობით თქვენ ადვილად დარწმუნდებით, რომ მე არ შემეძლო იმ მაღაზიიდან ფოტოაპარატის მოპარვა.
- და ამის მიუხედავად, მე თქვენ მაინც დაგაკავებთ ფოტოაპარატის ქურდობის ბრალდებით! - მიუგო ინსპექტორმა.