ავტობუსი მოძრაობაში ორ 185 ცხენისძალიან ძრავას მოჰყავდა და 10 წუთში 36 მგზავრი 1,15 კილომეტრი სიმაღლიდან 1,82 კილომეტრზე აჰყავდა, ანუ თითქმის 700 მეტრ სიმაღლეს ლახავდა. იმავდროულად გავლილი მანძილი 5 კილომეტრს აღწევდა. გზა 38 ანძას ეყრდნობოდა.
მაგრამ ეს ოფიციალური რიცხვებია. ორიგინალური კონსტრუქციის უკან ბევრი პრობლემა იმალებოდა.
ცოცხალი მოწმეები იხსენებენ, რომ ის ძალიან ნელი და ხმაურიანი იყო. ჰუდზე 1938-1060 წლებში სამაშველო სამსახურის უფროსი იხსენებს, რომ ამ საბაგიროთი სულ ერთხელ იმგზავრა, რაც მისთვის საკმარისი აღმოჩნდა. ამას გარდა, მფრინავი ავტობუსით მგზავრობა 75 ცენტი ღირდა, მაშინ როცა უბრალო ავტობუსი - მხოლოდ 50 ცენტი.
ავტობუსის საბაგიროს გონდოლად გამოყენების მიზეზი ძალიან მარტივი იყო: კურორტის მომსახურე კომპანიამ თავი არ აიტკივა გონდოლის ინდივიდუალური დაპროექტებით და ტურისტებსაც გასართობად ატრაქციონი შესთავაზა. მით უფრო, რომ ავტობუსს გადაკეთება არც დასჭირვებია - ამძრავები პირდაპირ ღერძებზე მიუერთეს.
ექსპლოატაციისთვის მოუხერხებლობის გამო 1962 წელს უცნაური გონდოლას დემონტაჟი მოახდინეს, თუმცა ვიდეორგოლმა ის ისტორიას მაინც შემოუნახა.
