პროტოტიპს MINI Electric Concept ჰქვია. როგორც ვარაუდობენ, ავტომობილის სვლის სიშორე 305 კილომეტრი იქნება. ჯერჯერობით კომპანია ახალი მოდელის ტექნიკურ მონაცემებს არ ავრცელებს, მაგრამ ამ საქმის მცოდნეები ვარაუდობენ, რომ ის ელექტრული BMW i3-ის ძრავას მიიღებს.
MINI Electric Concept-ს მნათი დიოდური ოპტიკა ექნება. გარეგნულად ის კომპანიის სხვა ავტომობილებს ემსგავსება. კონცეპტი ვერცხლისფერშია გადაწყვეტილი.
როგორც ფრანკფურტის ავტოსალონზე განაცხადეს, ახალი ელექტრომობილი 2019 წლიდან გაიყიდება.
