ბრიტანეთის სამეფო ფოტოგრაფიული საზოგადოების რჩეული ფოტოგრაფები

მაგალითად, ღორის ლენტური ჭია.  რაც თვალები გგონიათ სინამდვილეში საწოვარია, რითაც პარაზიტი ნაწლავის კედელზე იმაგრებს თავს. ფოტო ტერეზა ზგოდამ გადაიღო და ოქრო დაიმსახურა.

მეორე ფოტო მორგან ტრიმბლმა გადაიღო და ბრინჯაო დაიმსახურა. ეს აფრიკული ანტილოპა იმპალას ფეხებია, რომელსაც უკნა მხარეს, ჩლიქთან  შავი ბეწვის ბღუჯები აქვს. სინამდვილეში ეს მეტატარზალური ჯირკვლებია, რომლის გამონაყოფიც ანტილოპას კვალზე რჩება. ამ სუნით მისი მოძმეები მის შესახებ სრულ ინფორმაციას იღებენ - სქესს, ასაკს, ფიზიოლოგიურ მდგომარეობას და სხვა. სუნის მიხედვით იმპალა თავისი ჯგუფის წევრებს პოულობს. ეს ჯირკვლები უფრო მამრებს აქვთ განვითარებული და ის ჯოგის შეკავშირებას ემსახურება.

ენრიკო საკეტიმაც ოქრო დაიმსახურა, მაგრამ არა მიკროსამყაროს ფოტოსათვის. მის ობიექტივში ბნელი მატერიის დეტექტორი XENON1T მოხვდა, რომელიც იტალიაში გრან-სასოს მთის ძირას, 1400 მეტრის სიღრმეში მდებარეობს. თავად დეტექტორი ცილინდრია, რომელშიც 3,2 ტონა ქსენონი მინუს 96 გრადუს ტემპერატურაზე, 1,9 ბარი წნევის ქვეშ იმყოფება.

ვერცხლის ჯილდო ჯონათან ბრეტის ფოტომ დაიმსახურა, რომელზეც თვალის ბადურის 600 გამოსახულებაა გაერთიანებული. ბრედმა ისინი დალტონიზმის ტესტის დიაგრამის მსგავსად მოაწყო.

მესამე ოქრო ელოი მაინს ხვდა წილად - ხსნარის შიგნით ნეონის ჩხირის ძლიერ გადიდებული ფოტოსთვის. ე.წ. სინათლის ქიმიური წყაროები ხსნარის კომბინაციებს შეიცავს, რომელთა შერევისას სინათლე მიიღება.