1. პოზა „მოწოდება“
ცოლი იხრება დივანზე წამოწოლილი ქმრის ფეხებთან, რათა მის მიერ ძირს დაყრილი ნაგავი მოხვეტოს, თან თითქოს მოუწოდებს, გეყოფა ტელევიზორის ყურება, დროა, ყურადღება მომაქციოო, თან რამდენიმე ვნებიან ფრაზას ეუბნება.
2. პოზა „ჭურჭლის რეცხვა“
აქ როლები იცვლება: ქმარი ნახმარ ჭურჭელს ჭურჭლის სარეცხ მანქანაში აგროვებს, ცოლი კი ყურადღებით აკვირდება, რამე არ გააფუჭოს. და აი, მაშინ, როცა უკვე სთხოვს, გარეცხილი ჭურჭელი კარადაში შეაწყოს, ქმარი ნამდვილ ორგაზმამდე მიჰყავს...
3. პოზა „არომატული“
ქმარი, სრულიად უშფოთველი სახით, ოთახში ჰაერს აფუჭებს... ამ დროს ცოლს ეძალება მგზნებარე ვნება, ქმარს სახეში ჩუსტი ესროლოს და სხვა ოთახში გაეცალოს...
4. პოზა „ურღვევი კავშირი“
ეს პოზა წყვილების კომპანიისთვისაა, თუმცა არა - სვინგერების. სიყვარულით ხელიხელჩაკიდებული წყვილი გულში ბედნიერია, ვიდრე მათ წინ მეორე წყვილი ერთმანეთს ეჩხუბება.
5. პოზა „მესამე არ არის ზედმეტი“
კლასიკური პოზა, როცა ქმარი ნაზად ეხვევა ცოლს, იწყება ვნება და აი, იმ დროს, როცა ეს ყველაფერი კულმინაციას აღწევს, ისმის ბავშვის ტირილი ან პატარა თავისი ფეხით მოდის, რათა დედ-მამას შუაში ჩაუწვეს.
6. პოზა „დამკვირვებელი“
სახლში რემონტია ან ოჯახი გადასაბარგებლად ემზადება. ცოლი დაკუნთულ მუშას ქირაობს, ქმარი კი კუნთებიან მაჩოს აკვირდება და შურით გულზე სკდება.
7. პოზა „შოპოჰოლიკი“
წყვილი შოპინგზეა. ქმარი თავიდან ენერგიულია, ის კი არადა, გასახდელში პეტინგსაც აწყობს - მსუბუქად შეხებას სხეულზე და ეროგენული ზონების სტიმულირებას, შემდეგ კი იღლება და სრულიად მომჩვარული ელოდება, სანამ ცოლი „მომხმარებლურ ორგაზმს“ არ მიაღწევს ან ბარათზე თანხა არ ამოიწურება.
8. პოზა „დამწვრის სუნია“
ცოლი უახლოვდება პლანშეტში თავჩარგულ ქმარს, რათა დაცლილი ყავის ჭიქა ააცალოს. ამ დროს ეკრანზე ხედავს მიმოწერას ქმრის ახალგაზრდობის სიყვარულთან. ამ ქალს სახეზე იცნობს და ის ძველი ამბავიც იცის. აფორიაქებული ქმარი მიმოწერის დახურვას ცდილობს, რა დროსაც შემთხვევით კიდევ სხვა ქალთან მიმოწერას ხსნის, რომელზეც ცოლს წარმოდგენაც არ აქვს.
9. პოზა „ბებიასთან“
წყვილი ბავშვებს შაბათ-კვირას ბებია-ბაბუასთან აგზავნის, თვითონ კი „თაფლობის თვის“ დროინდელ ცდუნებებს ეძლევა, როცა შესვენება მხოლოდ საკვებისთვის კეთდება. აი, ყველაზე ძლიერი ორგაზმი კი მაშინ იწყება, როცა შვილის არდადეგების დრო მოდის!
10. პოზა „მე თვითონ“
ბავშვი ბებიასთანაა, ქმარი - სათევზაოდ, ცოლი სახლში მარტო რჩება და საყვარელ პოზას იხსენებს - წვება არომატულ აბაზანაში, უყურებს საყვარელ მელოდრამას ან კითხულობს ახალ წიგნს, წრუპავს ღვინოს ან ცხელ კაკაოს. ორგაზმი ყველა შემთხვევაში გარანტირებულია.