მეცნიერების ახალი მიღწევები და გაცნობის საიტები ადამიანებს ღალატისკენ კიდევ უფრო მეტად უბიძგებს. ამისთვის ღილაკზე მხოლოდ ერთი დაკლიკებაა საჭირო.
მსოფლიოში ყველაზე პოპულარული გაცნობის საიტი ქორწინებაში მყოფი ადამიანებისთვის AshleyMadison (ღალატის საკითხებში მას ნამდვილად უნდა ვენდოთ!) კვლევის შედეგს აქვეყნებს, რომელიც კომპანიამ წელს ჩაატარა. კვლევის შედეგი გაგახალისებთ თუ პირიქით, იმედებს გაგიცრუებთ, ეს თქვენ გადაწყვიტეთ.
საიტის მომხმარებლების 82%-ის თანახმად (ოფიციალური მონაცემებით, მათი რაოდენობა მსოფლიოს 20 ქვეყანაში 50 მილიონზე მეტია), ისინი ახალ წელს მეორე ნახევრებთან ერთად შეხვდნენ, თუმცა, იქვე აღნიშნეს, რომ ამის გამო „აღვირახსნილ“ ცხოვრებაზე უარის თქმას არ აპირებენ.
მათ შორის:
1. გაცნობის საიტის მომხმარებელთა 34%-მა გადაწყვიტა, 2018 წელს სექსში უფრო მეტ ექსპერიმენტს მიმართოს, ოღონდ არა მეორე ნახევართან;
2. 13%-ის თანახმად, მათ გადაწყვიტეს, წელს საყვარლებსა და სექსუალურ გართობას უფრო მეტი დრო დაუთმონ;
3. მომხმარებელთა 10% ამბობს, რომ მაქსიმალურად შეეცდებიან, საკუთარი „ცოდვები“ მეორე ნახევრებს დაუმალონ.
სამწუხაროდ, მხოლოდ 6%-ის სურვილია, ღალატს შეეშვას და მეუღლესთან ჰარმონიული ურთიერთობა ჰქონდეს.