Alibaba Group ჩინური კომპანიაა, რომელიც ინტერნეტკომერციის სფეროში მუშაობს. კომპანია ჯეკ მამმა 1999 წელს დააფუძნა და შარშან ჰქონდა შემთხვევა, როცა საკუთარი კაპიტალი ერთ დღე-ღამეში 2,76 მილიარდი დოლარით გაზარდა!
მაშ ასე, მილიარდერის რჩევები:
1. შესაძლებლობები ყველგანაა. ყველა აღნიშნავს, რომ ინტერნეტი მომავალია. 10 წლის წინათ ინტერნეტი ნამდვილად კარგი იყო, რადგან მის შესახებ არავინ არაფერი იცოდა. ახლა ინტერნეტში დარჩენა რთულია, რადგან ყველა ჭკვიანი ადამიანი მისკენ არის მიმართული. ამიტომ თქვენთვის უმჯობესია რეალურ სექტორში გამოსვლა.
2. თუკი რესტორნის გახსნა გსურთ, გამოიყენეთ ტექნოლოგიები და გახადეთ თქვენი საქმიანობა უნიკალური. თუკი სილამაზის სალონის გახსნა გსურთ, გამოიყენეთ IT ტექნოლოგიები და Data, იყავით ყველასგან განსხვავებული. ტექნოლოგიებით სარგებლობა ნებისმიერ სფეროში შეიძლება.
3. იფიქრეთ „საპირისპირო მიმართულებით“. როდესაც ყველა ერთ აზრზე თანხმდება, წუთით დაფიქრდით - სწორია? მართლაც ასეა? როდესაც ყველა ეწინააღმდეგება კონკრეტულ აზრს - აქაც დაფიქრდით. იქნებ ცდებიან? ან იქნებ აქ არის შესაძლებლობები?
4. თუკი 25 წლის ხართ - არ ინერვიულოთ. თქვენ მიერ დაშვებული ნებისმიერი შეცდომა თქვენთვის უდიდესი გაკვეთილია.
5. ჩემთვის ასეთი „სქემა“ ჩამოვაყალიბე, რომელსაც ახალგაზრდა თაობას ვუყვები:
- 20 წლამდე უნდა იყოთ სტუდენტი. ისწავლეთ და მოემზადეთ საკუთარი საქმისთვის;
- 30 წლამდე თვალი ადევნეთ პროფესიონალებს. იმუშავეთ საშუალო კომპანიაში. მართალია, დიდ კომპანიებშიც კარგ პრაქტიკას გაივლით, თავს დიდი სისტემის ნაწილად იგრძნობთ, მაგრამ პატარა კომპანიაში ისწავლით საკუთარი საქმის გულშემატკივრობას და ოცნებას, ასევე, უამრავ წვრილ-წვრილ დავალებასთან გამკლავებას. 30 წლამდე მნიშვნელოვანია არა ის, რომელ კომპანიაში რა თანამდებობაზე იმუშავეთ, არამედ ის, როგორი ხელმძღვანელი გყავდათ. კარგი ბოსი ბევრ რამეს გასწავლით;
- 30-დან 40 წლამდე საკუთარ თავზე მუშაობთ, თუკი ნამდვილად გსურთ, გქონდეთ საკუთარი და საყვარელი საქმე;
- 40-დან 50 წლამდე - აკეთებთ იმას, რაც კარგად გამოგდით, არ ცდილობთ კიდევ ახალი საქმის შესწავლას - ახალი სფეროს დასაუფლებლად უკვე დაგვიანებულია. კონცენტრირება მოახდინეთ თქვენს საუკეთესო მიღწევებზე;
- 50-დან 60 წლამდე იმუშავეთ ახალგაზრდებზე. მათ ბევრი კარგის გაკეთება შეუძლიათ თქვენთვის, ამიტომ ასწავლეთ მათ და მოახდინეთ ინვესტირება მათში;
- 60 წლის შემდეგ დახარჯეთ დრო საკუთარ თავზე, თქვენ გელოდებათ მზე, ზღვა, სანაპირო.
6. ჩემი რჩევა 25 წლის ადამიანებს - დაუშვით საკმარისი შეცდომები და არ ინერვიულოთ. თუ წაიქცევით, კვლავ ადგებით, ისევ წაიქცევით, ისევ ადგებით. დატკბით ამით, დატკბით საკუთარი ახალგაზრდობით და ცხოვრებით.