ვერძი: კრისტოფი
ვერძი კაცები ცნობილი არიან ოპტიმიზმითა და პირდაპირობით, ისევე როგორც დისნეის „გაყინულის“ კრისტოფი. ის შეიძლება ცოტა ჯუჯღუნა იყოს, მაგრამ კეთილი გულისაა - მას მუდამ ის სურს, რაც საუკეთესოა მისი საყვარელი ადამიანებისთვის.
კურო: ლი შანგი
ლი შანგი დისნეის „მულანიდან“ დანამდვილებით კუროა. მართალია, ის „სქელკანიანია“, მაგრამ შინაგანად ერთგული და მოსიყვარულეა. კურო კაცები ჯიუტები არიან, მაგრამ ლიდერად იბადებიან - ისევე როგორც ლი შანგი.
ტყუპები: უფლისწული ადამი
დისნეის უფლისწულებიდან ხასიათით ტყუპებს არცერთი ისე არ ჰგავს, როგორც უფლისწული ადამი „ურჩხული და მზეთუნახავიდან“. ტყუპები ცნობილი არიან ორმაგი ბუნებით, რაც ჩვენი საყვარელი ურჩხულისთვის დამახასიათებელია. ისინი კეთილები და ჭკვიანები არიან, მაგრამ ცუდი მხარეც აქვთ.
კირჩხიბი: უფლისწული ერიკი
კირჩხიბები ცნობილი არიან გულთბილობით, მაგრამ ეს მათი სისუსტეცაა. „პატარა ქალთევზას“ უფლისწული ერიკი ტკბილი გულისაა, ყველას თანაუგრძნობს, მაგრამ სწორედ ეს თვისება გამოიყენა ბოროტმა ურსულამ პრინცის მანიპულირებისთვის.
ლომი: უფლისწული ფილიპი
ის დრაკონს შეებრძოლა „მძინარე მზეთუნახავში“. უფლისწული ფილიპი თავდაჯერებულად ებმება სახიფათო სიტუაციაში. ის უშიშარია, გულფიცხი და მიდრეკილია დრამატიზმისკენ.
ქალწული: უფლისწული ნავინი
ქალწულები ცნობილი არიან ინტელექტით, მაგრამ ხანდახან ჭორიკნებიც ჩანან. „პრინცესა და ბაყაყის“ ნავინი მართლაც არაა უნაკლო (ბაყაყად უმიზეზოდ არ გადაიქცა), მაგრამ თავის შეცდომებზე ისწავლა.
სასწორი: მომხიბვლელი უფლისწული
როცა თავდაჭერილი სასწორი შემოდის ოთახში, იქაურობას არისტოკრატულობა ავსებს. ასეთია „კონკიას“ მომხიბვლელი უფლისწულიც. ის ძალიან რომანტიკულიცაა - აბა, სხვა რომელ ზოდიაქოს ნიშანს მოუვიდოდა თავში აზრად, რომ საყვარელი ქალი ფეხსაცმლის დახმარებით ეპოვა?
მორიელი: იუჯინ ფიტზერბერტი
მორიელი დამოუკიდებელია, ლაღი ბუნების და ემოციურად გაწონასწორებული, ისევე როგორც „რაპუნცელის“ საყვარელი ქურდი. იუჯინმა რაპუნცელს თავისი ნამდვილი სახელი ბოლოს უთხრა - ეს მორიელის კლასიკური საქციელია.
მშვილდოსანი: ალადინი
ალადინი ჭეშმარიტი მშვილდოსანია, ამას კამათიც არ სჭირდება. მშვილდოსანი კაცი მოგზაურადაა დაბადებული და რისკზე წასვლისაც არ ეშინია. ისინი თავისუფლებას აფასებენ და ცხოვრობენ თავგადასავლისთვის. სხვას ვის გაგონებთ?
თხის რქა: ჯონ სმიტი
ჯონ სმიტი თხის რქაა, რადგან მისი ცხოვრება სამუშაოა. მშრომელი ხასიათი მისი ღირსებაა და ამასთანავე, მისი ნაკლიც. თხის რქები მუდამ შიდა კონფლიქტში არიან და ეს ჯონ სმიტის მთელი ისტორიაცაა.
მერწყული: უფლისწული ფლორიანი
მერწყულები მეოცნებეები არიან, ისევე როგორც რაც „ფიფქიას“ უფლისწული ფლორიანი. ამ კაცს ტყეში ცხენზე ჯირითი და სიმღერა მოსწონს, ასევე - ერთი ნახვით შეყვარება შეუძლია. ის ჭეშმარიტი მერწყულია.
თევზები: ჰერკულესი
თევზი მამაკაცები მუდამ იმას ფიქრობენ, რომ სხვაგან უკეთესია ცხოვრება, მაგრამ, როცა თავის თავს იპოვიან და მიიღებენ, ყველაზე კეთილი და ერთგული კაცები ხდებიან.
ეთანხმებით ამ ჩამონათვალს? დააკომენტარეთ და დათაგეთ თქვენი რჩეული.
