ალბათ, ამას ვერასდროს წარმოიდგენდით, თუმცა ეს დასკვნა ვიღაცის მოგონილი კი არა, კემბრიჯის უნივერსიტეტის მეცნიერების დიდი კვლევის შედეგია. აქ უფრო მეტად ის არის საინტერესო, რატომ აქვს ასეთი ეფექტი შოკოლადს...
ყველა ოჯახში, ალბათ, არსებობს გამოცდილი რეცეპტები ხველის საწინააღმდეგოდ - თაფლი, თბილი რძე ან კომშის ნახარში. თუმცა, აღმოჩნდა, რომ ხველების ყველაზე კარგი წამალი შოკოლადია. ამას კვლევაზე დაყრდნობით მეცნიერები ამტკიცებენ.
ტკბილეულის მოყვარულებო, ახლა უკვე სინდისის ქენჯნის გარეშე შეგიძლიათ, ნებისმიერ დროს მიირთვათ შოკოლადი, მით უფრო, თუ გახველებთ, რადგან, კემბრიჯის უნივერსიტეტის პროფესორ ალინ მორისის ბოლო კვლევის თანახმად, შოკოლადი ხველების სიმპტომებს აბებსა და სიროფებზე უკეთ აქრობს! ამასთანავე, მნიშვნელოვან პროგრესს „შოკოლადის თერაპიის“ დაწყებიდან ორ დღეში იგრძნობთ.
მეცნიერების თქმით, შოკოლადში შემავალი დიდი რაოდენობით თეობრომინი უკვე კარგა ხანია აღიარეს ხველებასთან ბრძოლოს საუკეთესო საშუალებად - აგებულებით კოდეინის მსგავსია, აფართოებს ბრონქებს და სპაზმოლიზური საშუალებაა. თანაც შოკოლადის რბილი ტექსტურა ადამიანის სხეულის ტემპერატურაზე დნება და ყელზე რბილ ფენას იკეთებს, რომელიც ნერვულ დაბოლოებებს გაღიზიანებისგან იცავს.
მეცნიერები იმედოვნებენ, რომ მათ კვლევას ფარმაცევტული კომპანიები გაითვალისწინებენ და სულ მალე აფთიაქებში ხველების საწინააღმდეგო ახალი თაობის საშუალება გამოჩნდება. მანამდე კი მიირთვით დიდი რაოდენობით შოკოლადი პროფილაქტიკის მიზნით.
„საქართველოს დებატებისა და განათლების ინსტიტუტი“, საერთაშორისო პროექტის - დებატები მუზეუმებში - ფარგლებში, რომელიც მხარდაჭერილია „ვიზეგრადის” ფონდის მიერ, იწყებს კონკურსს მუზეუმებისთვის მთელი საქართველოს მასშტაბით.
ზოგი ადამიანი ფიქრობს, რომ რაც უფრო ცხელა სახლში, მით უფრო კარგად მუშაობს გათბობის სისტემა. თუმცა, როგორც ყველგან, აქაც ძალიან მნიშვნელოვანია, რომ პროფესიონალების რჩევები გავითვალისწინოთ და სახლში ტემპერატურა ისე დავარეგულიროთ, რომ პროცესმა ჩვენს ჯანმრთელობას საფრთხე არ შეუქმნას.