1. ერთფეროვანი პოზები
ყველა ქალს აქვს სექსში რამდენიმე საყვარელი პოზა, რომელიც სიამოვნებას ანიჭებს, თუმცა, სექსუალური კავშირის დროს მხოლოდ ერთს ან მაქსიმუმ ორს ანიჭებენ უპირატესობას. ეს კი ქალების უმეტესობას მეტი სიამოვნების მიღებაში უშლის ხელს და სექსს, ცოტა არ იყოს, მოსაწყენს ხდის.
2. შაბლონური სექსი
დროდადრო შეეცადეთ, იმპულსურად იმოქმედოთ, მიენდეთ სურვილებს. მაგალითად, შეცვალეთ საღამოს აჩქარებული სექსი დილის მგრძნობიარე სექსით ან „გაიტანეთ“ სასიყვარულო ურთიერთობა საძინებლიდან სხვა ოთახში.
3. პასიურობა
ქალისგან უმნიშვნელო ინიციატივაც კი პარტნიორს საოცრად სიამოვნებს. ის, თავის მხრივ, შეეცდება, ქალის ინიციატივებზე „აეწყოს“. ქალებს, რომლებსაც შეუძლიათ, აჩვენონ პარტნიორს, რა სურთ, გაცილებით ხშირად უსრულდებათ სურვილები. რატომ უნდა მოიკლოთ სიამოვნება?
4. ორგაზმის იმიტაცია
ჩვევა, რომელიც შესაძლოა, კომპლექსში გადაიზარდოს. რაც უფრო ხშირად ახდენს ქალი ორგაზმის იმიტირებას, მით უფრო იშვიათად მიდის ორგაზმამდე.
5. რომანტიკის ნაკლებობა
ზოგჯერ დღესასწაულების მოწყობა საჭიროა. მართალია, თუკი საყვარელმა ადამიანმა არ აგინთოთ არომატული სანთელი, ეს არ ნიშნავს, რომ მას სექსი არ სურს, მაგრამ მრავალფეროვნება ცეცხლოვანი სექსისთვის ერთ-ერთი დიდი სტიმულია.
6. საუბრები საწოლში
ქალების უმეტესობას უყვარს და სურს კიდეც სექსის შემდეგ საწოლში საუბარი, რაც კაცებისთვის, ხშირ შემთხვევაში, მიუღებელია. შესაძლოა, სწორედ ამ მიზეზით იძინებენ სექსის შემდეგ კაცები ძალიან მალევე. ამ დროს დასჯერდით ნაზ სიტყვებს, დანარჩენი კი უმჯობესია, სხვა დროისთვის შემოინახოთ.