მარგო და ქემერონ რობი
როგორც გაირკვა, მშვენიერ მარგოს არანაკლებ სიმპათიური ძმა ჰყავს. ქემერონ რობი დამწყები მსახიობი და სელფის მოყვარულია. თუმცა მისი "ინსტაგრამის" მიხედვით ის თავის გარეგნობას იუმორის გარკვეული დოზით უყურებს.
კიტ და ჯონ ჰარინგტონები
"ჩრდილოეთის მეფის" ძმის შესახებ ცოტა რამაა ცნობილი. ჯონი (რომელსაც ოჯახში რატომღაც ჯეკს ეძახიან) ჰარინგტონი თავის ძმასთან ერთად ხშირად ჩნდება მაღალი წრის ღონისძიებებზე. ის ამავე დროს კარგ დამოკიდებულებაშია კიტის საცოლესთან - როუზ ლესლისთან.
დაუტცენ და რენს კრუსები
რენს კრუსს თავის დაზე - Victoria’s Secret-ის ყოფილ ანგელოზზე არანაკლები გარეგნობა აქვს, მაგრამ მის კვალზე არ წასულა. მან თავისი გზა გამონახა. რენსს კერძების მომზადება უყვარს და კულინარიაზე რამდენიმე წიგნი უკვე გამოსცა.
როუზ და ტობი ჰანტინგტონ-უაიტლები
როუზ ჰანტინგტონ-უაიტლის უმცროსმა ძმამ თავისი კარიერა ფიტნეს-მწვრთნელობით დაიწყო. მაგრამ მისი ფოტოგენური გარეგნობა სამოდელო ინდუსტრიის წარმომადგენლებმა მალე შეამჩნიეს და ახლა ტობი ჰანტინგტონ-უაიტლი მოდის სამყაროში უკვე პირველ ნაბიჯებს დგამს.
დეიზი და კიკა-როუზ რიდლები
კიკა-როუზ რიდლი თავისი დის, როუზის დუბლიორად ნამდვილად გამოდგებოდა, მაგრამ მან სხვა გზა აირჩია. სამოდელო სააგენტო Models 1-თან კონტრაქტი გააფორმა და, როგორც ჩანს, თავის კარიერაში არანაკლებ წარმატებული აღმოჩნდება, ვიდრე „უკანასკნელი ჯედაის“ ვარსკვლავი.
ლინდსი და კოდი ლოჰანები
სკანდალურად ცნობილი მსახიობის უმცროსმა ძმამ, 21 წლის კოდი ლოჰანმა რამდენიმე წლის წინათ სამოდელო სააგენტო IMG Models-თან კონტრაქტს მოაწერა ხელი, ხოლო გასული წლის აგვისტოში უკვე იაპონური გამოცემა Vogue-ს ყდაზე გამოჩნდა.
სილვესტრ და ფრენკ სტალონეები
ალბათ, ბევრმა არც იცის, რომ სილვესტრ სტალონეს ძმა, ფრენკი კინოს სფეროში ასევე წარმატებული კარიერით არის ცნობილი. მაგრამ ის ეკრანებზე ნაკლებად ჩანს. საქმე ისაა, რომ ფრენკი საკმაოდ ცნობილი მუსიკოსია. იგი „ოქროს გლობუსის“ მფლობელია საუნდტრეკისთვის და რამდენიმე „ემიც“ აქვს მიღებული.
პოლ, კალებ და კოდი უოკერები
პოლ უოკერის ძმები მსახიობის ტრაგიკულად დაღუპვის შემდეგ გახდნენ ცნობილები. სწორედ მაშინ „ფორსაჟის“ შემქმნელებმა ისინი ფილმში ძმის დუბლიორებად მიიწვიეს. ამჟამად კალები და კოდი თავიანთ სამსახიობო კარიერას აგრძელებენ.
დონი, პოლ და მარკ უოლბერგები
უოლბერგების დიდ ოჯახში მხოლოდ მარკს არ მიუძღვნია ცხოვრება კინოსთვის. მისი ძმა დონიც საკმაოდ ცნობილი მსახიობია, რომელიც შეგვიძლია ვიხილოთ ისეთ ფილმებში, როგორიცაა „ხერხი 2“, „ხერხი 3“ და „მეექვსე გრძნობა“.
რეიჩელ და კეილინ მაკადამსები
რეიჩელ მაკადამსის და, კეილინი ჰოლივუდში ცნობილი ვიზაჟისტია, რომელიც წითელ ხალიჩაზე გამოსასვლელად მრავალ ცნობილ ქალს ამზადებს. და, რაღა თქმა უნდა, თავად რეიჩელიც თავის მაკიაჟს მხოლოდ დას ანდობს.
დაბოლოს, როგორ შეიძლება გვერდი ავუაროთ ოთხ ძმა ბოლდუინს?
თუმცა ამ ფოტოზე ძმები ბოლდუინები ალეკ ბოლდუინის უხეირო კლონებად ჩანან.