25 წლის ენტონი ბოტა (Anthony Botta) წარმოშობით ბრიუსელიდანაა. მას მოგზაურობა უყვარს და გამოიგონა ეს საინტერესო მეთოდი, რომლის წყალობითაც სასტუმროებში ფული არ ეხარჯება...
ენტონი გოგონებს Tinder-ის აპლიკაციის მეშვეობით ეცნობა, პაემანზე უთანხმდება და შემდეგ ღამის გასათევად მათთან რჩება. ამგვარად მან ევროპის 20 ქვეყანა მოიარა და 21 გოგონას გაეცნო.
პაემნების რეკორდსმენმა თავის გამოგონებას „ტინდერ-მოგზაურობა“ უწოდა. მოგზაურობის ანგარიშებს ის რეგულარულად აქვეყნებს Instagram-ასა და YouTube-ზე.
ენტონი აპლიკაცია Tinder Plus-ის ფასიან ფუნქციებს იყენებს, რომელიც მას საშუალებას აძლევს, აირჩიოს ქალაქი, სადაც თავის ბედს შეხვდება.
მოხერხებული ბიჭის განმარტებით, მის მოგზაურობებში საშინელი და კარგი მომენტებიც ყოფილა. მოგზაურობების შედეგად მან თავის თავზე ბევრი რამ გაიგო.
ორი თვის მანძილზე ენტონი იყო ნიდერლანდებში, გერმანიაში, ავსტრიაში, უნგრეთში, პოლონეთში, სლოვაკეთსა და ჩეხეთში. "მე ძალიან წუნია არა ვარ, მე ხომ სინამდვილეში ღამის გასათევს ვეძებ". თუმცა მოსაწონ გოგონასთან შეხვედრაზე უარს არ იძახის.
"მე ვენის გარდა ყველა ქალაქში ვნახე ღამის გასათევი. ვენადან უბრალოდ ბრატისლავაში გადავედი, ეს სულ ერთი საათის სავალზე იყო, ამიტომაც ღამის გასათევზე არც მიფიქრია. ყოველ ქალაქშიმე სამი საათი მეხარჯებოდა Tinder-ის ჩატში, სადაც გოგონებს ვუხსნიდი თუ როგორ ვმოგზაურობდი".
სადღაც არ მოსწონდა და სწრაფად ტოვებდა იმ ქალაქს, სადღაც კი თუ გოგონასთან საერთო ენას პოულობდა რამდენიმე დღითაც რჩებოდა. მაგალითად, მოიუნჰენში მან ხუთი დღე გაატარა.
"ამიტომაც მე უბრალოდ დავიწყე ყოველი გოგონასთვის მიწერა, რომ იგი პირველი "მატჩი" (თანხვედრა) იყო ამ ქალაქში. და უკვე შემდეგ, ვინც მიპასუხებდა ვუგზავნიდი ჩემი YouTube-არხის მისამართს და ვეკითხებოდი, შემეძლო თუ არა მასთან დარჩენა".
ენტონი ხშირად უარს იღებდა, მაგრამ მას დაბალი სტანდარტები აქვს და სუპერმოდელები არ სჭირდება.
ენტონი აღიარებს, რომ ზოგჯერ მისი პაემანი საწოლში მთავრდება. ამის მიუხედავად, იგი ჯერ კიდევ მარტოა და სიყვარულს ეძებს. ამ დროისათვის მოგზაური ბრიუსელში დაბრუნდა და ახლა ზელანდიაში მოგზაურობისათვის ემზადება. როგორც ამბობს, იქ ქალები უფრო ლიბერალურები არიან.
