სექსის მათემატიკა - ვზომავთ ყველაფერს

იდუმალი მეცნიერება - სექსოლოგია და საინტერესო მონაცემები ციფრებში:

2-3 წუთი - სექსოლოგების უმეტესობის აზრით, ასეთია სექსუალური აქტის საშუალო ხანგრძლივობა. მათივე თქმით, ამ მეცნიერებაში ნორმების დაცვა შეუძლებელია. ნორმად მიიჩნევა ის, რაც ორივე პარტნიორს აკმაყოფილებს. ზედმეტად „ჩქარი“ მამაკაცი შესაძლოა, ქალის დაუკმაყოფილებლობის მიზეზი გახდეს.

3 - ამ ციფრს ასახელებენ ქალები, როდესაც მათ ეკითხებიან „რამდენი სექსუალური პარტნიორი გყავდათ?“ გამოკითხულთა ასაკი 20-დან 59 წლამდე მერყეობს. კაცები, რომელთაც ტრაბახი უყვართ, ამ შეკითხვაზე, საშუალოდ, 7 პარტნიორს ასახელებენ.

3 წამი საკმარისია სხვა ადამიანის სექსუალურ მიმზიდველობაში დასარწმუნებლად და იმისთვის, რომ მასთან ერთად თავი საწოლში წარმოიდგინოთ. კვლევამ, რომელშიც, დაახლოებით, 10 000 ქალი და კაცი მონაწილეობდა, აჩვენა, რომ ადამიანების უმეტესობა სექსუალური თავსებადობის შესახებ გადაწყვეტილებას წამიერად და ქვეცნობიერის დონეზე იღებს.

17,4 - ქალების საშუალო ასაკი, როდესაც ისინი სექსუალურ ცხოვრებას იწყებენ.

30% - მსოფლიოში კაცების ეს რაოდენობა სხვადასხვა ფორმით განიცდის ნაადრევ ეაკულაციას. ამ პრობლემის ერთ-ერთ მიზეზად თავის ტვინში სეროტონინის მოქმედების დარღვევა სახელდება.

45 კმ/სთ - ამ სიჩქარით ხდება ეაკულაცია, რის შემდეგაც სიჩქარე მნიშვნელოვნად იკლებს და სპერმატოზოიდს საკვერცხეში გადასასვლელად, სულ მცირე, 5 წუთი სჭირდება.

75% - მსოფლიოში კაცების ეს რაოდენობა რეგულარულად განიცდის ორგაზმს. ძლიერ სქესს ამ თვალსაზრისით აშკარად გაუმართლა, რადგან ქალებში ეს რიცხვი მხოლოდ 29%-ია.

300 კკალ იწვება საშუალო ხანგრძლივობის სექსუალური აქტის დროს. შედარებისთვის, ამდენივე კალორია იწვება კარგი ტემპით 40-წუთიანი სეირნობისას. ის, თუ ენერგიის ხარჯვის რომელ ხერხს აირჩევთ, თქვენი გადასაწყვეტია.