გადაყარეთ! - 2018 წლის 5 მთავარი ანტიტრენდი

დაბალწელიანი ჯინსის შარვალი

ექსპერტები გვირჩევენ, უპირატესობა მივანიჭოთ საშუალო ან მაღალწელიან შარვლებს, 90-იანი წლების სტილში, რომელიც არა მხოლოდ აქტუალური, არამედ გაცილებით მოსახერხებელია, ვიდრე დაბალწელიანი ჯინსის შარვლები.

კარდიგანი „ჩანჩქერი“

ამგვარ კარდიგანზე წელს უარი უნდა თქვათ. უმჯობესია, ის სწორი ფორმის მოსაცმელით შეცვალოთ, რომელიც უფრო აკურატულად და დახვეწილად გამოიყურება.

პალტო-ოვერსაიზი

მოდის ექსპერტების თანახმად, პალტო-ოვერსაიზი ჯერ კიდევ 2016 წლიდან გადავიდა მოდიდან, მაგრამ, მიუხედავად ამისა, მას ახლაც შეხვდებით. ახალ სეზონზე მოდურია სწორი, წელზე მომდგარი პალტოები ქამრით და პალტო-კიმონო. გახსოვდეთ, რომ 2018 წლის მთავარი ტრენდი - წელში გამოყვანილი სამოსია!

ბრჭყვიალა კოლჰოტები

ბრჭყვიალა კოლჰოტები სტილისტებისთვის წარსულის საშინელი სიზმარია. მოდის ექსპერტები გვირჩევენ გლუვ კოლჰოტებს - გრაფიტის ფერში, კანისფერში ან ყავისფერში.

ამოჭრილი ჯინსები

რაც უფრო მარტივია ჯინსის შარვლის მოდელი, მით უფრო აქტუალურია - ასეთია წლის მთავარი ტენდენცია. დაივიწყეთ ყველანაირი თვლები, ნაქარგები და პრინტები. ამ დეტალებმა უკვე დიდი ხანია,  პოპულარობა დაკარგა.