ფილიპინების ხელისუფლებამ 2,9 მილიონი დოლარის ღირებულების ავტომობილი დაამსხვრია (ვიდეო)
საკნატუნო ამბები
ფილიპინების ხელისუფლებამ ქვეყანაში არალეგალურად შემოყვანილი 30 ელიტური ავტომობილი გაანადგურა. პრეზიდენტ როდრიგო დუტერტეს აზრით, მოხელეებს ამგვარი ავტომობილები არ უნდა ჰყავდით. პრეზიდენტი თავად ესწრებოდა ბულდოზერით ავტომობილების განადგურების პროცესს.
-
ადგილობრივი პრესის ინფორმაციით, 20 სატრანსპორტო საშუალება მანილას საბაჟოზე გაანადგურეს, ხოლო 10 - დავაოს და სებუს ნავსადგურებში. სამივე ადგილას პრეზიდენტი დუტერტე თავად ესწრებოდა ავტომობილების განადგურებას.
-
ეს აქცია ფილიპინების საბაჟოს 116 წლისთავს დაამთხვიეს. ადრე ქვეყნის პრეზიდენტმა განაცხადა, რომ ელიტურ ავტომობილებს საჯაროდ გაანადგურებდნენ, რათა მოსახლეობას კონტრაბანდასთან ბრძოლის შედეგები საკუთარი თვალით დაენახა.
-
ზოგი ავტომობილის ფასი 115 ათას დოლარს აჭარბებდა, ხოლო 30 ავტომობილის საერთო ფასმა დაახლოებით 2,9 მილიონი დოლარი შეადგინა.
-
აქამდე ამგვარ ავტომობილებს აუქციონზე ყიდდნენ. პრეზიდენტმა დუტერტემ ახალ მეთოდს „კანონიერი და იაფი“ უწოდა.
-
-
მოხელეებს ამგვარი ავტომობილები არ უნდა ჰქონდეთ. ჩააბარეთ ისინი ჯართში და სათამაშოები დაამზადეთ, - განაცხადა როდრიგო დუტერტემ.
© ყველა უფლება დაცულია MELON
