პროდუქტები, რომლებსაც „ვიაგრას“ ეფექტი აქვს (5 ფოტო)

ვანილი

ეს პროდუქტი ადამიანს უფრო მიმზიდველს ხდის, ორი მიზეზის გამო: პირველ რიგში, ვანილის არომატი ბუნებრივი აფროდიზიაკია და მას ხშირად იყენებენ „მაცდური“ სუნამოების მწარმოებლები და მეორე, ვანილი, კერძოდ კი, ვანილის იოგურტი ამაღლებს განწყობას. ადამიანს უფრო სიცოცხლისმოყვარულსა და თამამს ხდის. „ვანილი ძლიერი არომატული სტიმულატორია, რომელიც ამცირებს შფოთვას და აუმჯობესებს განწყობას“, - ამ დასკვნამდე მივიდნენ ნიდერლანდელი მკვლევარები.

ნიორი

ნივრის სუნი, ვანილისგან განსხვავებით, პოზიტიურ შეგრძნებებს არ იწვევს და ამ თემაზე  კამათი რთულია. ბევრი ამ ბოსტნეულს  კერძის მომზადების დროსაც არ იყენებს, თუმცა, სულ ტყუილად, რადგან, მეცნიერების მტკიცებით, ნიორი მნიშვნელოვნად ამაღლებს კაცებში სექსუალურ შესაძლებლობებს.

დარიჩინი

ერთ-ერთი ლეგენდის თანახმად, კლეოპატრამ მარკუს ანტონიუსის სიყვარული სწორედ საკუთარი პარფიუმის დამსახურებით მოიპოვა, რომელსაც დარიჩინით ამზადებდა. ეს პროდუქტი არის აფროდიზიაკი და ადამიანზე ისევე მოქმედებს, როგორც ვანილი - ამაღლებს განწყობას და გარშემომყოფების კეთილ დამოკიდებულებას განაპირობებს.

ნიახურია 
მას „ბოსტნეულის ვიაგრასაც“ უწოდებენ. ნიახური ორგანიზმში ამაღლებს ფერომონების დონეს და ადამიანს უფრო მიმზიდველს ხდის. სპეციალისტები, ასევე, ამტკიცებენ, რომ ნიახურის რეგულარული მიღება აუმჯობესებს სპერმის ხარისხს. 

ერთი ბოკალი ღვინო - ოღონდ, მხოლოდ ერთი!

ინგლისელი მეცნიერები გვირჩევენ, პაემანზე წასვლამდე აუცილებლად მივირთვათ ერთი ბოკალი ღვინო. შედეგად სახის კანი მოვარდისფრო ხდება, მოვარდისფრო ლოყები კი დადებითად აღიქმება და პარტნიორს აუცილებლად მიიზიდავს. ამასთანავე, მეცნიერები კატეგორიულად გვაფრთხილებენ, მივირთვათ მხოლოდ ერთი ბოკალი ღვინო, წინააღმდეგ შემთხვევაში, სახე წითელ ფერს იღებს, რაც საპირისპირო ეფექტის გამომწვევია.