„ტანსაცმლის არჩევანში ოლივიას სრულ თავისუფლებას ვაძლევ. მეც კი ვეკითხები ხოლმე რჩევას, მაგალითად: ამ კაბასთან რომელი ფეხსაცმელი ჩავიცვა-მეთქი და ისიც ზუსტად იმას დაადებს ხელს, რომელიც მეც ყველაზე მეტად მომწონს. უნდა ვაღიარო, რომ მას გარდერობში უფრო მეტი ნივთი აქვს, ვიდრე მე. ოლივიას ტანსაცმლისთვის ადგილიც კი აღარ მაქვს. ძალიან ბევრ ბრენდულ სამოსს ჩუქნიან, მე მხოლოდ სეზონურსა და აუცილებელს თუ ვყიდულობ“, - ამბობს ქეთა.
მომღერალს შვილი ძალიან იშვიათად დაჰყავს ხალხმრავალ წვეულებებზე. „მართალია, ამ დროს, ერთი მხრივ, მსიამოვნებს, რომ ჩემი გოგონა ჩემთან ერთადაა, მაგრამ მეორე მხრივ მეშინია, რომ სათანადო ყურადღებას ვერც მას დავუთმობ და ვერც ღონისძიებას“, - განმარტავს მომღერალი.
ქეთა თოფურია და მისი მეუღლე ერთად აღარ არიან. წყვილის დაშორების შესახებ 2017 წლის სექტემბერში გახდა ცნობილი. მიზეზებზე არცერთი მხარე არ საუბრობს. თუმცა, უნდა ითქვას, რომ გეიხმანი ბიზნესმენია, აშშ-ში მოღვაწეობს და ცოლ-ქმარს ორ ქვეყანაში ცალ-ცალკე ცხოვრება ხშირად უწევდა.