ახლახან დიელოტოლოგებმა ახალი კვლევა გამოაქვეყნეს, რომელიც საღამოს 6 საათის შემდეგ ჭამის მოყვარულებს გაახარებთ.
სპეციალისტები მიიჩნევენ, რომ მკაცრი დიეტა საჭირო სულაც არ არის. უმჯობესია, საღამოს რაციონისთვის სასარგებლო პროდუქტები შეირჩიოთ.
მაშ ასე, გავარკვიოთ, რისი ჭამა შეგიძლიათ ღამე ისე, რომ ეს თქვენს ფიგურაზე არ აისახოს.
5 პროდუქტი, რომელიც შეგიძლიათ, ღამეც მიირთვათ - ეს თქვენს ფიგურაზე არ აისახება!
საკნატუნო ამბები
გიყვართ ძილის წინ მაცივარში შეხედვა? თავიდან ყველაფერი ბანალურად იწყება: „უბრალოდ, ჩაი ხომ არ დავლიო?“ და ძეხვიანი ბუტერბროდით ან ტკბილი სასუსნავებით მთავრდება. არადა, რა სასიამოვნოა ასეთი მომენტები...
-
შავი შოკოლადი
ხშირად ეს პროდუქტი აკრძალულ სიაშია, თუმცა, ტყუილად. შავი შოკოლადი მინიმალურად შეიცავს შაქარს. თან ხელს უწყობს წონაში დაკლებას და ქოლესტერინის ნორმაში მოყვანას.
-
წვნიანი
ამ კერძის სახელის წაკითხვას, ალბათ, აქ ვერ წარმოიდგენდით, მაგრამ სუპი ნამდვილად შეგიძლიათ ჭამოთ ღამე. თბილი კერძები ორგანიზმს ამშვიდებს. თუკი საღამოს გრძნობთ, რომ ფინჯანი ყავა ან ჩაი შიმშილს არ მოგიკლავთ, აუცილებლად გაათბეთ ცოტაოდენი სუპი და მიირთვით (უმჯობესია, ქათმის ან ბოსტნეულის). მნიშვნელოვანია გახსოვდეთ: ამ დროს არ ღირს ოსპის, ბარდის ან ლობიოს წვნიანის ჭამა, რადგან ეს პროდუქტები მუცელში დისკომფორტს შეგიქმნით და შესაძლოა, დაძინებაში ხელი შეგეშალოთ.
-
ნუში
ცოტაოდენი ნუში შიმშილის შეგრძნებას შესანიშნავად ებრძვის. მას, ვისაც წონაში დაკლება სურს, ნუშის მიღების არ უნდა შეეშინდეს, რადგან, კვლევის თანახმად, ეს პროდუქტი არანაირად არ მოქმედებს წონის მატებაზე.
-
გოგრის თესლი
თუკი საღამოს ჩიპსებისკენ ან მზესუმზირისკენ გაგირბით ხელი, დაუყოვნებლივ დაივიწყეთ ეს მავნე ჩვევა. მათ ნაცვლად შეგიძლიათ, გოგრის თესლი მიირთვათ. ის შესანიშნავად ებრძვის შიმშილის შეგრძნებას და ასევე, ამშვიდებს ორგანიზმს. როგორც ცნობილია, გოგრის „მზესუმზირა“ მდიდარია მაგნიუმით, რაც მნიშვნელოვანია ღრმა და მშვიდი ძილისთვის.
-
ბრინჯი
ბრინჯი უძილობას 46%-ით ამცირებს. თანაც შეიცავს ტრიფტოფანსა და მელატონინს, რომლებიც საჭმლის მონელებას უწყობს ხელს. სწორედ ეს ჰორმონებია მნიშვნელოვანი ჯანსაღი ძილისთვის.
© ყველა უფლება დაცულია MELON
