სუნამოს დასახელება სპირტში ან წყალში ზეთის კონცენტრაციით განისაზღვრება.
სუნამოს შერჩევა იოლი საქმე როდია. პარფიუმერულ მაღაზიებში საათობით ვკარგავთ დროს სასურველი სუნამოს ასარჩევად, მაგრამ ხშირად იმედები გვიცრუვდება, რადგან სუნამოს შეპკურებიდან რამდენიმე წუთში მის არომატს საერთოდ ვეღარ ვგრძნობთ.
სუნამოს სწორად შესარჩევად სპეციალისტები რამდენიმე რეკომენდაციას გვაძლევენ:
Eau Fraiche
თუკი სუნამოს ფლაკონზე ამ წარწერას წაიკითხავთ, ეს ნიშნავს, რომ მასში შემავალი შემადგენლობიდან გამომდინარე მისი სურნელი ძალიან მცირე ხნით გაგყვებათ. სავარაუდოდ, ნახევარი საათით. მასში პარფიუმერული ზეთი მხოლოდ 1-3%-ია.
ოდეკოლონი
კაცური არომატია. ამ შემთხვევაში, სპირტში ზეთის შემადგენლობა 2-4%-ია, დანარჩენი კი წყალია. მისი სურნელი დაახლოებით 2 საათით გაგყვებათ.
ტუალეტის წყალი
მასში ზეთის შემადგენლობა 5-15%-ია და თუკი მას შეიპკურებთ, სურნელს, დაახლოებით 3 საათის განმავლობაში შეიგრძნობთ.
სუნამო
ის ზეთის 15-20%-ს შეიცავს და მისი არომატი 8 საათი ნარჩუნდება.
პარფიუმი
ეს კი ყველაზე ძვირად ღირებული სიამოვნებაა. მას საკმაოდ ხანგრძლივი ეფექტი აქვს, რადგან მასში ზეთის შემცველობა 20-30%-ია და მისი არომატი 1 დღე-ღამე გასტანს.