გინესის რეკორდების წიგნში მოხვედრილი ცნობილები

1. შაკირა

ცნობილებიდან შაკირას მსოფლიო რეკორდების წიგნის ყველაზე მეტი სერტიფიკატი აქვს - მან რეკორდი სამჯერ დაამყარა! მას ეკუთვნის შემდეგი რეკორდები: „ყველაზე კარგად გაყიდვადი ესპანურენოვანი მუსიკალური ალბომი“, ყველაზე გაყიდვადი ესპანურენოვანი სინგლი, ასევე, ის პირველი პერსონა გახდა, რომელსაც ფეისბუკში 100 მილიონი ხელმომწერი ჰყავს.

 2. ჰილარი კლინტონი

აშშ-ში არჩევნების პოპულარობას თუ გავითვალისწინებთ, მაშინ გასაკვირი არაა ის ფაქტი, რომ ჰილარი კლინტონი ინტერნეტში 2016 წლის ყველაზე პოპულარული ქალი გახდა. დონალდ ტრამპთან არჩევნები მართალია, წააგო, მაგრამ ლედი გაგას მოუგო პოპულარული ქალის ტიტული.

 3. ოზი ოსბორნი

2010 წელს მომღერალმა  მაყურებელთა წინაშე ყველაზე ხანგრძლივი და ხმამაღალი ყვირილის მსოფლიო რეკორდი დაამყარა. ეს „დოჯერის“ სტადიონზე 52 000 მაყურებლის წინაშე მოხდა.  

4. დუენის „კლდე“ ჯონსონი

პროფესიონალმა მოჭიდავემ და მსახიობმა, დუენ „კლდე“ ჯონსონმა რამდენიმე რეკორდი დაამყარა, რომელთაგან ყველაზე საოცარი თანამედროვე გაჯეტებს უკავშირდება. მან სამი წუთის განმავლობაში 105 სხვადასხვა ადამიანთან სელფი გადაიღო. თანაც ყოველ სელფზე გამოსახულება მკაფიო იყო და ადამიანთა სახეები ცენტრში იყო განთავსებული.

5. მეტალიკა

მეტალიკას გინესის სერტიფიკატი ყველა 7-ვე კონტინენტზე ჩატარებული კონცერტების გამო აქვს მიღებული. ეს მიღწევა მას შემდეგ დაფიქსირდა, რაც ანტარქტიდაში, არგენტინულ ბაზა კარლინში კონცერტი ჩაატარა. ეს მათი მეორე კონცერტი იყო ანტარქტიდაზე და მას, სულ რაღაც, 7 ადამიანი დაესწრო.

6. ელენ დეჯენერისი

მან გინესის რეკორდების სერტიფიკატი ოსკარის ცერემონიალზე გადაღებული სელფის გამო მიიღო. ამ ფოტომ რეტვიტების რეკორდული რაოდენობა მიიღო - 3,3 მილიონი. თუმცა გასულ წელს ეს რეკორდი 16 წლის ბიჭმა მოხსნა, რომელსაც ქათმის ნაგეთსების წლიური მიწოდების მოგება სურდა. მან 3,4 რეტვიტი მოაგროვა.

 7. რეგის ფილბინი

რეგის ფილბინი ამერიკული ტოქშოუს ცნობილი წამყვანია. მან გინესის რეკორდი 2004 წელს დაამყარა, როგორც ადამიანმა, რომელმაც სატელევიზიო კამერების წინ 15 188 ათასი საათი გაატარა.

 8. ემინემი

2013 წელს Eminem-მა სიმღერაში (Rap God) ყველაზე მეტი სიტყვების გამო რეკორდი დაამყარა. 6 წუთსა და 4 წამში რეპერმა 1560 სიტყვა წარმოთქვა, რაც, საშუალოდ, წამში 4,28 სიტყვას უდრის, სიმღერის ყველაზე სწრაფი სეგმენტის დროს ეს მაჩვენებელი 6,46 სიტყვას წამში აღწევდა.

 9. რობერტ დაუნი-უმცროსი

რობერტ დაუნი-უმცროსს თავად არ დაუმყარებია რეკორდი, მაგრამ მან რეკორდის დამყარების საშუალება ჩინელ თაყვანისმცემლებს მისცა. მის დაბადების დღეზე თაყვანისმცემლებმა ღია ბარათი დაამზადეს და მასზე 5339 ხელმოწერა გააკეთეს.

 10. მიშელ ობამა

აშშ-ს პრეზიდენტის ბარაკ ობამას ცოლმა მსოფლიო რეკორდი 2011 წელს დაამყარა. ის 400 მხტუნავ ბავშვს (ჯამპინგ ჯეკ) შეუერთდა და წინა რეკორდი შეცვალა.