ყველაზე უჩვეულო პოდიუმები მოდის ისტორიაში!

Fendi: ჩინეთის დიდი კედელი 

2007 წელს სტუმრებს კედელზე აბობღება მოუწიათ, ამ სიტყვის სრული მნიშვნელობით. ეს ჩინეთის დიდ კედელზე მოდების პირველი ჩვენება იყო. პოდიუმის სიგრძე 88 მეტრს აღწევდა. ექსპერტების გამოთვლებით, Fendi-ს ეს ჩვენება 10 მილიონი დოლარი დაუჯდა. ამგვარად კარლ ლაგერფელდმა მოდების ჩვენების თამასა ახალ სიმაღლეზე აწია.   

Pierre Cardin: უდაბნო 

2007 წელს ძალიან დიდი ჯაფა მოითხოვა ჩინეთის დუნხუანის უდაბნოში მოდების ჩვენების მოწყობამ. სტუმრებს და მოდელებს ადგილამდე მისვლა აქლემებით მოუწიათ, მაგრამ ეს ამად ღირდა. ფრანგ დიზაინერს არ წაუგია და უდაბნოს ფონზე 200-მდე მოდელი აჩვენა, რომლებიც უდაბნოს იდეალურად შეეხამა.  

Gucci: ცათამბჯენის კედელი

2014 წელს Gucci-ს ჩვენება ყვლაზე ექსტრემალური იყო. მოქმედება 42-მეტრიანი ცათამჯენის კედელზე მოეწყო. 7 მამაცი, სპეციალური ბაგირებით დაბმული  მოდელი ვერტიკალურ პოდიუმზე მოძრაობდა. ჩანთებისა და აქსესუარების ჩვენებისგან კი, უსაფრთხოების მიზნით, უარი განაცხადეს. ჩვენებას ათასობით ადამიანი ადევნებდა თვალყურს.  

Chanel: სუპერმარკეტი 

კარლ ლაგერფელდს არაერთხელ გაუოცებია აუდიტორია მოდის ექსცენტრიკული ჩვენებებით. 2014 წელს, ფრანგულმა მოდების სახლმა, კრეატიული დირექტორის ხელმძღვანელობით, ნამდვილი სუპერმარკეტი ააგო. შემოდგომა-ზამთრის მოდების ჩვენებამ ყველა დაარწმუნა, რომ Chanel-ის სამოსი მარტო საზეიმო დღეებისთვის არ არის. სუპერმარკეტის თაროებზე გამოფენილ საქონელს Chanel-ის საფირმო ნიშანი ედო და ჩვენების შემდეგ დიდი წარმატებით გაიყიდა.  

Moncler: სამშენებლო ხარაჩოები 

არ შეიძლება 2009 წლის შემოდგომა-ზამთრის Moncler-ის კოლექციის პრეზენტაცია არ გავიხსენოთ. იგი მდინარე ჰუძონის პირზე გაიმართა. რთული ოთხსართულიანი კონსტრუქცია სამშენებლო ხარაჩოებს მიაგავდა. 100 ნიღბიანი მოდელი მთელი ჩვენების მანძილზე ამ ლოკაციაზე გაუნძრევლად იდგა. მათი უძრაობის ჩვენებას კლასიკური მუსიკის აკომპანიმენტი ახლდა.