მაკიაჟი სერიოზული იარაღია, რომელიც ძალიან დაღლილ და გამოუძინებელ ქალსაც კი დედოფლად აქცევს ან პირიქით - ყველაფერი მოხერხებასა და ცოდნაზეა დამოკიდებული. მოდი, შევამოწმოთ, ჩვენც ხომ არ ვუშვებთ შეცდომებს, რომლებიც არა მხოლოდ აზიანებს ჩვენს კანს, არამედ წლებსაც გვმატებს?
ძალიან მუქი ტონი
მართალია, ტონალურ საშუალებას იმისთვის ვიყენებთ, რომ სახეზე არსებული მცირე დეფექტები დავფაროთ, თუმცა, ისიც უნდა გვახსოვდეს, რომ ტონალური კრემის წასმის დროს არა მხოლოდ დეფექტებს ვფარავთ, არამედ ლამაზ ნაკვთებსაც ვუცვლით ფორმებს. საბოლოოდ, ვიღებთ სრულყოფილ სახეს, ოღონდ, საბოლოოდ ჩვენი სახე ნიღაბს ჰგავს. იმისთვის, რომ მსგავსი ეფექტი ავირიდოთ თავიდან, ძალიან ფრთხილად ისარგებლეთ მატონიზებელი და სკულპტურული საშუალებებით.
პუდრი გადაჭარბებული რაოდენობით
გეთანხმებით, რომ ცხიმიანი და პრიალა სახის კანი - საშინელებაა, მაგრამ მასზე უფრო საშინელებაა, როდესაც დიდი რაოდენობით პუდრი ფორებსა და ნაოჭებში ჯდება და სახეს არაბუნებრივს ხდის. წესი მარტივია: რაც უფრო ასაკში შედიხართ, მით უფრო სიფრთხილით მოიხმარეთ პუდრი.
ძალიან წვრილი წარბები
ეს კანონი ისევე ირღვევა, როგორც მიზიდულობის კანონი: რაც უფრო თხელია წარბი, მით უფრო ასაკოვნად გამოიყურება ქალი. ზოგადად, რაც უფრო მკვეთრად არის დახატული წარბის კონტური, მით უფრო დიდია ვიზუალური ასაკი. და კიდევ ერთი რჩევა - ნუ აირჩევთ წარბის შესაღებად მუქ ტონს, იმ შემთხვევაშიც, თუკი შავი თმა გაქვთ. იდეალურია, როდესაც წარბის ფერი თმის ძირების ფერს ემთხვევა.
ჰაილაითერი პრობლემურ სახის კანზე
ეს შესანიშნავი საშუალებაა, რაც სახის კანს უფრო მოვლილსა და მიმზიდველს აჩენს - მაგრამ მხოლოდ იმ შემთხვევაში, თუკი მას აბსოლუტურად სწორ კანზე წავისვამთ. გადიდებულ ფორებში, ნაოჭებზე და მსგავსი პრობლემების შემთხვევაში ჰაილაითერის მოხმარებას ვიზაჟისტები არ გირჩევენ.
რუმიანა ყვრიმალების ქვეშ
თუკი რუმიანას ყვრიმალებიდან ძალიან მოშორებით წაისვამთ, ამგვარად ჩაცვენილი ლოყები გამოგიჩნდებათ, რაც სახეს გადაღლილსა და დაბერებულს აჩენს. იცით, რუმიანის სწორად წასმის წესი? ჯერ კარგად გაიღიმეთ, შემდეგ კი ლოყის შუა ნაწილები გაიმუქეთ რუმიანით, ბოლოს კი ფუნჯი სახის კონტურებზე გადაიტარეთ.
ღია ფერის ჩრდილი თვალის ზედა ნაწილზე
ღია ფერის ჩრდილი თვალის ზედა ნაწილში - შესანიშნავი გადაწყვეტილებაა, რომელიც გამოხედვას კიდევ უფრო მკვეთრს ხდის, ხოლო სახეს - დასვენებულს, მაგრამ ამ სიკეთესთან ერთად, ეს ჩვევა, მინიმუმ, 10 წლით დიდს გვაჩენს. ღია ფერის ჩრდილები გამოხედვას აქრობს და მიმიკურ ნაოჭებს ხაზს უსვამს.
ქვედა წამწამების აპრეხა
არა, არა და კიდევ ერთხელ არა! ვიზაჟისტები მხოლოდ წამწამების ზედა ნაწილის აპრეხას გვირჩევენ, წინააღმდეგ შემთხვევაში თვალები დაღლილი და დანაოჭებული გამოგვიჩნდება.