კანადის უნივერსიტეტის მეცნიერებმა დაადგინეს, რომ წესიერ ბიჭებს უფრო მრავალფეროვანი და დატვირთული სექსუალური ცხოვრება აქვთ.
გაინტერესებთ, როგორ მივიდნენ ამ გადაწყვეტილებამდე?
მათ, ორივე სქესის 800 ადამიანი გამოკითხეს. ყოველმა მათგანმა გულახდილად ისაუბრა არა მხოლოდ საკუთარი სექსუალური ცხოვრების შესახებ, არამედ იმაზეც, რამდენად არიან დაკავებულები ქველმოქმედებით: აბარებენ სისხლს, ფინანსურ მხარდაჭერას უცხადებენ ადამიანებს, ორგანიზაციებს და სხვა კეთილი საქმეების შესრულებაც არ ეზარებათ.
აღმოჩნდა, რომ, რაც უფრო აქტიურად არის კაცი დაკავებული ქველმოქმედებით, მით უფრო აქტიურია მისი სექსუალური ცხოვრებაც!
აი, ქალების კორელაცია კი ნაკლებად ცხადი აღმოჩნდა.
ამ შედეგს ამყარებს კიდევ ერთი კვლევა, რომელშიც კოლეჯის 500 სტუდენტი მონაწილეობდა.
კვლევის მონაწილეებს შემდეგი შეკითხვა დაუსვეს:
„100 დოლარის მოგების შემთხვევაში როგორ მოიქცეოდით - მთელ თანხას საკუთარ თავს მოახმარდით, ნაწილს ქველმოქმედებისთვის გაიღებდით თუ 100-ვე დოლარს ქველმოქმედებაში გადარიცხავდით?“
რა თქმა, სანამ მკვლევარები ამ შეკითხვას დასვამდნენ, მათ მონაწილეების სექსუალური ცხოვრების დეტალები გამოიძიეს.
გაირკვა, რომ ყველაზე უანგარო სტუდენტებს, რომლებიც ქველმოქმედებისთვის თანხის ნაწილს ან სრულ თანხას გაიღებდნენ, უფრო დატვირთული სექსუალური ცხოვრება აქვთ (სამაგიეროდ, „მოძველბიჭო“ სტუდენტებს ასი დოლარი შერჩათ).
მოკლედ, ჩვენ ეს ინფორმაცია თქვენამდე მოვიტანეთ, ახლა უკვე თქვენი გადასაწყვეტია, იქნებით უანგარო და გექნებათ ხშირი სექსი თუ ასი დოლარით მეტი!
