7 საიდუმლო ინდოელი სუშმინასგან მათთვის, ვინც თმის სწრაფ ზრდაზე ოცნებობს

ბეპანტოლი

მიგიქცევიათ ყურადღება თმის ძირების გასამაგრებელი შამპუნის ან ნიღბების შემადგენლობისთვის? თუკი კარგად დააკვირდებით, უდავოდ შენიშნავთ, რომ მსგავსი ტიპის შამპუნები შეიცავს ვიტამინ B5-ს. ამ სინთეტიკურ ვიტამინს შეიცავს დეპანტოლი. თმის ცვენის შემთხვევაში, სუშმინა გვირჩევს, დეპანტოლის გელით ან ქაფით ვისარგებლოთ, რომელიც  თმის ძირებს ამაგრებს და თმის ცვენის პროცესს აჩერებს. ყველაფერი მარტივია: დაიბანეთ თავი და შეიზილეთ ცოტაოდენი დეპანტოლი თმაში, განსაკუთრებით თმის ძირებში.

ნიღაბი კვერცხითა და კონიაკით

მათ, ვისაც ძალიან თხელი თმა აქვთ, სუშმინა ურჩევს, კონიაკითა და კვერცხით დამზადებული ნიღბით ისარგებლონ. კვერცხი შეიცავს პროტეინს, ხოლო კონიაკი - მთრიმლავ ნივთიერებებს. ორივე ერთად თმას ასქელებს და ასტიმულირებს მათ ზრდას. გატეხეთ ორი კვერცხი, დაამატეთ მასში 40 მლ კონიაკი, ათქვიფეთ და შეიზილეთ თმის ძირებში. გაიჩერეთ ნახევარი საათი და შემდეგ ჩამოიბანეთ.

ვაშლის ძმარი

ვაშლის ძმრის გადავლება დაბანილ თავზე თმის ფოლიკულებს აფხიზლებს, მაგრამ ამ საშუალებით სარგებლობა თვეში მხოლოდ ორჯერ არის რეკომენდებული: დაიბანეთ თავი და კონდიციონერის ნაცვლად ისარგებლეთ ვაშლის ძმრით. ჩვეულებრივი ძმრისგან განსხვავებით, მისი წყლით ჩამობანა არ არის საჭირო, ვაშლის ძმარი თმებში მძაფრ სუნს არ დაგიტოვებთ.

ალოეს წვენის ნიღაბი

ალოეს ყვავილი - ოთახის ყველაზე პოპულარული მცენარე. მისი მარგებლობის შესახებ საათობით შეიძლება საუბარი, მაგრამ სუშმინა დაჟინებით გვიმტკიცებს, რომ ალოეს საუკეთესო თვისება - თმის ზრდის სტიმულაციაა.  ბლოგერის გვთავაზობს, ალოეს ნიღბით ორ კვირაში ერთხელ ვისარგებლოთ. მოჭერით რამდენიმე ფოთოლი ალოე, გაჭერით შუაში, რათა წვენი მაქსიმალურად გამოწუროთ. მასაჟის მოძრაობებით შეიზილეთ ალოეს წვენი თავის კანზე, შეიფუთეთ თმები პირსახოცით, გაიჩერეთ 1 საათი და შემდეგ დაიბანეთ თავი.

ცილოვანი ნიღაბი

თუ გსურთ, თმა სწრაფად გაგეზარდოთ, უფრო მეტად იზრუნეთ თმის კვებაზე. სუშმინა გვირჩევს ე.წ. ცილოვან ნიღაბს თმისთვის. აიღეთ ორი კვერცხი, გააცალკევეთ კვერცხის გული და ცილა. ათქვიფეთ ცილა და მიღებული ქაფი თმის ძირებში შეიზილეთ. ნიღბის ეფექტის გასაძლიერებლად, დაიხურეთ თავზე შხაპის ქუდი ან შეიფუთეთ თმა პოლიეთილენის პარკით.

ნიღაბი ეთერზეთებით

სუშმინა თავის ლამაზ თმას ნატურალური ეთერზეთებით კვებავს: ნუში, როზმარინი, ლავანდა, ჟოჟობა და სხვ. ეს ეთერზეთები შეიცავს იმ ვიტამინებს, რომლებიც აუცილებელია თმის ზრდისთვის. ზემოთ ჩამოთვლილი ზეთებიდან, სათითაოდ ყველა სახეობიდან 5 წვეთი შეიზილეთ თმის ძირებში და გაიჩერეთ 2-3 საათი და შემდეგ ჩამოიბანეთ „ზეთოვანი ნიღაბი“ შამპუნით.

ცივი წყალი

გსურთ „გამოაფხიზლოთ“ თმა? თავის ყოველი დაბანის შემდეგ გადაივლეთ თმაზე ცივი წყალი. ამგვარად, თავის კანზე ფორები დაიხურება, გაუმჯობესდება სისხლის მიკროცირკულაცია და თქვენს თმას ბუნებრივი მბზინვარება ექნება.