„ჩვენი ალგორითმის გამოყენებისას სიფხიზლე 64%-ით მატულობს, ხოლო კოფეინს მინიმალური რაოდენობით იღებენ. შესაძლებელია პროგრამის იმგვარად გადაწყობა, როცა იგივე მასტიმულირებელი ეფექტის მისაღებად კოფეინის მოხმარება ორჯერ მცირდება“, - გვიამბობს კვლევითი ჯგუფის ხელმძღვანელი ჟაკ რაიფმანი (Jaques Reifman).
პროგრამის საფუძველი მათემატიკური მოდელია, რომელიც კოფეინის დოზის მიხედვით მასტიმულირებელ ეფექტს განსაზღვრავს. მასტიმულირებელი ეფექტი სიფხიზლეზე სტანდარტული ტესტით განისაზღვრება - გამოუძინებელი ადამიანები ამ ტესტს უფრო ცუდად ასრულებენ, გამოძინებულებს კი გაცილებით უკეთესი შედეგი აქვს.
მათემატიკური მოდელისა და ადამიანის ძილის შესახებ მონაცემებით სპეციალური ალგორითმი კოფეინის ოპტიმალურ დოზას ითვლის და სტრატეგიას ადგენს, რამდენად ხშირად და როგორი ინტერვალებით დავლიოთ ყავა, რათა არ დაგვეძინოს. შედეგად ჩვენი ორგანიზმი ფხიზლდება და სამაგიეროდ ნაკლებ კოფეინს იღებს.
სამწუხაროდ, მეცნიერებს თავიანთი კვლევა მობილური ტელეფონის აპლიკაციად არ გადაუქცევიათ, არადა ამგვარ აპლიკაციას დიდი მომავალი ექნებოდა.