როგორც გინესის წიგნის საიტი იუწყება, ინდოეთის გუჯარათის შტატის ქალაქ სურატადან ორმა ინდოელმა იუველირმა ვიშალ აგარვალმა (Vishal Agarwal) და კჰუშბუ აგარვალმა (Khushbu Agarwal) დაამზადეს ბეჭედი, რომელშიც 6 690 ბრილიანტი ზის. ბეჭედი ვარდისფერი ოქროსგან დამზადებულ ლოტოსის ყვავილს წარმოადგენს, რომელსაც 48 ფურცელი აქვს.
ბეჭედი გოლფის ბურთზე უფრო მძიმეა და 58 გრამს იწონის. საიუველირო ნაწარმის დიზაინის შექმნაზე და დამზადებაზე 6 თვე დაიხარჯა. ის 4 116 787 დოლარად არის შეფასებული.
ვიშალი დიზაინზე იყო პასუხისმგებელი, ხოლო კჰუშბუ, რომელსაც კომპანია Hanumant Diamonds-ი ეკუთვნის, პროექტის სპონსორი და რესურსების მიმწოდებელი იყო.
წინა რეკორდი ასევე ინდურ კომპანია Savio Jewellery-ს ეკუთვნოდა, რომლის დამზადებულ ბეჭედში 3 827 ბრილიანტი იყო და 50,42 გრამს იწონიდა.