შეკითხვაზე: რა იზიდავთ ქალებს კაცებში ყველაზე მეტად? სხვადასხვა პასუხს მოისმენთ. შესაძლოა, ეს იყოს კუნთებიანი ათლეტი ან კაცი, რომელიც ერთდროულად ყველა სიმპათიურ ჰოლივუდელ ვარსკვლავს ჰგავს (დენი დევიტოს გარდა). ზოგჯერ ვამბობთ, რომ კაცში გვიზიდავს ქარიზმა... ერთი სიტყვით, ერთი პასუხი არ არსებობს. დროა, ამ კითხვას საბოლოოდ დავუსვათ წერტილი.
ფსიქიკური ჯანმრთელობის ასოციაციაში გადაწყვიტეს, კაცის გარდერობის პოტენციალში გარკვეულიყვნენ და საინტერესო კვლევა გამოაქვეყნეს. აღმოჩნდა, რომ ქალებს კაცის ტანსაცმელში ყველაზე მეტად წითელი ფერი იზიდავთ.
ექსპერიმენტზე სხვადასხვა ქვეყნის ხუთი მეცნიერი მუშაობდა. ექსპერიმენტში მონაწილეებს შესთავაზეს, შეეფასებინათ კაცების მიმზიდველობა ფოტოების მიხედვით, რომლებშიც კაცებს სხვადასხვა ფერის პერანგები ეცვათ: წითელი, მწვანე, ლურჯი და ა.შ. ქალებმა ერთხმად აღიარეს, რომ კაცები, რომლებსაც წითელი პერანგი ეცვათ, ყველაზე მიმზიდველები იყვნენ.
შედეგად მეცნიერებმა დაადგინეს, რომ ეს ისტორიულ ფაქტორს უკავშირდება: სხვადასხვა კულტურებში წითელი ფერი სიმდიდრისა და მაღალი სტატუსის სიმბოლოდ მიიჩნეოდა. საზოგადოების მხოლოდ პრივილეგირებულ წევრებს შეეძლოთ წითელი ფერის სამოსის ტარება.
აქედან გამომდინარე, კაცებო, როდესაც ქალი წითელ სამოსში გამოწყობილს გხედავთ, ის ქვეცნობიერად აღგიქვამთ, როგორც დახვეწილ და მიმზიდველ მამაკაცს, რომლის წვლილი გენოფონდში ფასდაუდებელია. ამიტომ გააწითლეთ საკუთარი გარდერობი და იყავით მუდამ მიმზიდველები ქალებისთვის.