დაუზარელმა და თავდაუზოგავმა ინგლისელმა მეცნიერებმა, კაცების სოლიდარობიდან გამომდინარე, ან იქნებ, უბრალოდ, ცნობისმოყვარეობის მიზნით 15 521 კაცის პენისი გამოიკვლიეს.
კვლევამ აჩვენა, რომ სასქესო ორგანოს საშუალო სიგრძე მოდუნებულ მდგომარეობაში 9,16 სანტიმეტრია, გაჭიმული რბილი სასქესო ორგანოს მაქსიმალური სიგრძე კი - 13, 24 სანტიმეტრი. ხოლო ერეგირებულ მდგომარეობაში პენისის საშუალო სიგრძე 13,12 სანტიმეტრამდე აღწევს. მოდუნებული პენისის გარშემოწერილობა - 9,31 სანტიმეტრს, ხოლო ერეგირებული სასქესო ორგანოს გარშემოწერილობა 11,6 სანტიმეტრს უდრის.
მკვლევარებმა შენიშნეს მცირედი დადებითი კორელაცია ერეგირებულ სასქესო ორგანოს სიგრძესა და ადამიანების სიმაღლეს შორის (მაღლებო, გილოცავთ!): რაც უფრო მაღალია ადამიანი, მით უფრო გრძელი პენისი აქვს.
ამ კვლევების მიზანი მხოლოდ ცნობისმოყვარეობით არ აიხსნება, არც სტატისტიკური მონაცემებია კვლევის ჩატარების საფუძველი, არამედ ეს არის იმ ექიმების ინტერესი, რომლებიც დისმორფოფობიის მკურნალობით არიან დაკავებულები (ფსიქიკური დარღვევა, რომლის დროსაც ადამიანს ჰგონია თითქოს მას აქვს სინამდვილეში არარსებული ფიზიკური ნაკლი ან მკვეთრად აზვიადებს მას). სხვათა შორის, ეს კვლევა არც პრეზერვატივების მწარმოებლებისთვის არის ურიგო და უსარგებლო.
ახლა კი, მეცნიერების შრომასა და კვლევაზე დაყრდნობით, შეგიძლიათ მოდუნდეთ... სანტიმეტრის ძებნაც საჭირო აღარ არის! თქვენ ყველაფერი რიგზე გაქვთ.
