კარგი საყვარლის დახასიათებას შემდეგი სიტყვებით ვიწყებთ: უნდა იყოს სიმპათიური, მაღალი, სექსუალური, ტემპერამენტიანი, გემოვნებიანი და ამ თვისებებთან ერთად აუცილებლად გაგვახსენდება სიტყვა „გურმანი". არა სნობი, არამედ ადამიანი, რომელმაც იცის სიამოვნების ფასი.
გურმანს ყოველთვის აქვს გაცნობიერებული კერძებისადმი დამოკიდებულება. არ შეჭამს იმას, რაც მისთვის უგემურია და არასდროს შეჭამს შაურმას გადარბენაზე. გასაგებია, რომ საკვების მიღება საჭიროა ისევე, როგორც ძრავისთვის საწვავი, მაგრამ თუკი ადამიანისთვის სულ ერთია, რას შეჭამს, ოღონდ ჭამოს, მან, დაახლოებით 20 წუთში, შესაძლოა, ვერც გაიხსენოს, რა ჭამა ან იყო თუ არა გემრიელი.
აი, გურმანი კი სულ სხვა საქმეა! მან იცის, როგორ მიაგნოს სიამოვნებას ბუტერბროდშიც და ეგზოტიკურ სამზარეულოშიც. დაგემოვნება, შეფასება და შთაბეჭდილებების დამახსოვრება - ეს მისი საქმეა. თანაც გურმანს სექსში პარტნიორის რეაქცია არ გამოეპარება.
ამიტომ პირველ შეხვედრაზე კარგად დააკვირდით რჩეულს:
როგორ არჩევს საჭმელს?
თანხმდება მისთვის ჩვეულ მენიუს თუ რამე სიახლის დაგემოვნება სურს?
მადის აღმძვრელად აგემოვნებს თუ სწრაფად ასუფთავებს თეფშს?
ჭამის დროს გესაუბრებათ ისე, რომ თეფშიდან თავს მაღლა არ წევს? თუკი ასეა, დიდი ალბათობით, ამგვარი ურთიერთობა გელოდებათ მასთან საძინებელშიც...
ამიტომ შეეშვით დაკვირვებას ცხვირზე, ფეხზე და სხეულის სხვა ნაწილებზე იმის დასადგენად, როგორი სექსი გექნებათ მასთან. მთავარია, დააკვირდეთ, როგორ ჭამს.
