როგორ არბილებს ასპირინი გაუხეშებულ ქუსლებს?
ასპირინი უკვე დიდი ხანია შევიდა ყველაზე პოპულარული გამაყუჩებელი პრეპარატების სიაში. მას აქვს ანთების საწინააღმდეგო და ნეიროპროტექტორული ძლიერი თვისება, მაგრამ ასპირინი არა მხოლოდ ტკივილს აყუჩებს და ამცირებს თრომბის წარმოქმნის რისკს, არამედ მისი გამოყენება ესთეტიკური მიზნითაც შეიძლება.
მაგალითად: ასპირინი ებრძვის სახეზე ფერიმჭამელებს, ლაქებს და მსგავს წარმონაქმნებს. ის, ასევე, შესანიშნავია სოკოსა და დაზიანებული ან გაუხეშებული ტერფების სამკურნალოდ.
ასპირინი შეიცავს კომპონენტს ბეტა ჰიდროციაციდს, რომელიც ფართოდ გამოიყენება კრემებისა და აქერცვლის საწინააღმდეგო საშუალებების მოსამზადებლად.
ბევრს ვერ წარმოუდგენია ამ ჯადოსნური საშუალების გამოყენება გაუხეშებული და დაზიანებული ქუსლების დასარბილებლად, თუმცა, როგორც კი მას ერთხელ მოიხმართ, თავად დარწმუნდებით.
როგორ მოვამზადოთ ასპირინის დახმარებით ქუსლების დასარბილებელი კრემი?
ასპირინი სრულიად უვნებელი და იაფი პრეპარატია, რომელიც არა მხოლოდ ქუსლების დასარბილებლად, არამედ სოკოს საწინააღმდეგოდ შეგიძლიათ გამოიყენოთ.
დაგჭირდებათ:
ასპირინი - 4 აბი
1 ლიმონის წვენი
1 ს/კ წყალი (10 მლ)
ქუსლების სახეხი (პემზა)
წინდები
მომზადების წესი:
ასპირინის აბები დააქუცმაცეთ და მიღებული ფხვნილი გადაიტანეთ ჭიქაში. გაჭერით ლიმონი შუაზე და გამოწურეთ წვენი. გადაურიეთ ასპირინის ფხვნილს და დაამატეთ 1 ს/კ წყალი, რათა სქელი მასა მიიღოთ.
მოხმარების წესი:
ასპირინით დამზადებული სქელი მასა შეიზილეთ გასუფთავებულ ქუსლებზე. ჩაიცვით სქელი წინდები ან შეიფუთეთ ფეხები პირსახოცით. გაიჩერეთ 20-30 წუთი და ჩამოიბანეთ თბილი წყლით. შემდეგ მოიმარჯვეთ ქუსლების სახეხი და ფრთხილად გაიხეხეთ პრობლემური ადგილები. თავად შეამჩნევთ, რომ გაუხეშებული კანი ტერფებიდან მარტივად მოგძვრებათ.
პროცედურა გაიმეორეთ კვირაში ორჯერ. ქუსლები წარმოუდგენლად დაგირბილდებათ.