კურკუმის სასარგებლო თვისებები
ამ მცენარეს, კულინარიის გარდა, აქტიურად იყენებენ ბაქტერიების გასანადგურებლად, რომლებიც ფერიმჭამელების წარმოქმნას უწყობს ხელს. ასევე, კურკუმა აჩქარებს იარების მოშუშებას. თუკი სახის კანზე ანთება გაქვთ, ამ შემთხვევაშიც, კურკუმა თქვენთვის უებარი წამალია.
კურკუმის ანტიოქსიდანტური თვისება ამცირებს ულტრაიისფერი სხივების მავნე ზემოქმედებას ორგანიზმზე და კანის კიბოს წარმოქმნას. დაივიწყეთ ძვირად ღირებული საშუალებები და მოდური ლოსიონები.
კურკუმის მოქმედება სახის კანზე:
- კურნავს ფერიმჭამელებს, აკნეს, კანის გაღიზიანებას;
- აშუშებს სახეზე პუსტულებს - ეს არის პატარა ზომის იარები სახეზე, რომლებიც სწორ მკურნალობას საჭიროებს. კურკუმა აჩქარებს შეხორცების პროცესს, არეგულირებს კანის აღმდგენ ფუნქციას. ასევე, იცავს კანს ინფექციებისგან.
- კურნავს ანთებით პროცესს ძლიერი ინფექციის შემთხვევაშიც.
- იცავს კანს ულტრაიისფერი სხივებისგან, აჩერებს კანის დაბერების პროცესს.
- ამცირებს კანის კიბოს წარმოქმნის რისკს.
როგორ მოვამზადოთ ნიღაბი კურკუმითა და თაფლით?
¼ ჩაის კოვზი კურკუმას ფხვნილი და 1 სუფრის კოვზი თაფლი გადაურიეთ ერთმანეთში.
სანამ ნიღაბს სახეზე შეიზელთ, საგულდაგულოდ გაისუფთავეთ სახის კანი. შემდეგ კი შეიზილეთ დამზადებული ნიღაბი, გაიჩერეთ სახეზე 5 წუთი და ჩამოიბანეთ თბილი წყლით.
რატომ თაფლი?
თაფლი ნებისმიერი ტიპის კანს უხდება. ამცირებს კანიდან ცხიმის სეკრეციას და ატენიანებს სახეს. მისი ანტიბაქტერიული თვისებები კი აძლიერებს კურკუმას მოქმედებას.
არ გაიჩეროთ ნიღაბი სახეზე 5 წუთზე მეტი დროით, რადგან, შესაძლოა, კურკუმამ სახის სიწითლე გამოიწვიოს.