როგორ იცვლებოდა ნაძვის ხისა და სათამაშოების მოდა 100 წლის განმავლობაში

საკნატუნო ამბები

1 იანვარი 13:00

ახალი წელი ნაძვის ხის გარეშე წარმოუდგენელია, მაშინაც კი, როცა უკვე დიდი ხანია ბავშვობას დაემშვიდობე...

დეკორატორები ამბობენ, რომ ნაძვის ხის მორთვის მოდა ყოველი ოთხი წლის შემდეგ ბრუნდება, აი, რეტრო სტილი კი არასოდეს გადადის მოდიდან. ასე რომ, თავად გადაწყვიტეთ, ძველი „საოჯახო“ სათამაშოები დაკიდოთ ნაძვის ხეზე თუ ახლები იყიდოთ.


ცოტა რამ საახალწლო ნაძვის ხის ისტორიიდან



ნაძვის ხის მორთვის მოდა ევროპაში მე-16 საუკუნეში შემოვიდა. მას ტკბილეულით რთავდნენ: შაქარყინულით, ხილით, ორცხობილებითა და ვაფლით. გირლანდებად სანთლებს იყენებდნენ. მე-17 საუკუნეში გაჩნდა დღევანდელის მსგავსი სათამაშოები: მოოქროვილი გირჩები, ლატუნის ფიგურები.


პირველი საახალწლო ბურთები მე-17 საუკუნეში გერმანიაში გააკეთეს. სათამაშოების წარმოება დაიწყეს ჩეხეთშიც, პოლონეთშიც, რუსეთშიც, ამერიკის შეერთებულ შტატებშიც. მე-20 საუკუნის დასაწყისამდე მოდაში იყო სათამაშოებით დამძიმებული, მდიდრული ნაძვის ხეები.


მე-20 საუკუნიდან მინიმალიზმი და ტექნოლოგიური სიახლეები შესთავაზა გერმანიამ მომხმარებელს. გერმანული ქარხნები დირიჟაბლის, ეკიპაჟის, მუსიკალური ინსტრუმენტების ფორმის სათამაშოებს ამზადებდნენ. რუსეთში პოპულარული იყო ბურთები, მძივები, ნაჭრისა და ბამბის სათამაშოები.


30-40-იანი წლების ნაძვის ხე



პირველი მსოფლიო ომის პერიოდში რუსეთში ნაძვის ხეებს არ რთავდნენ. ეს ტრადიცია გერმანიიდან მოდიოდა, გერმანია კი მტერი იყო. არც 20-იან წლებში მიესალმებოდნენ დიდად ნაძვის ხის მორთვას - მას „ბურჟუაზიულ გადმონაშთად“ მიიჩნევდნენ. ახალი წლის დღესასწაულების აღნიშვნა საბჭოთა სივრცეში 30-იანი წლებიდან დაიწყეს, და მას უკვე არა საშობაო, არამედ საბჭოთა დღესასწაულს უწოდებდნენ. ნაძვის ხის მორთვის კულტურა დაბრუნდა, ოღონდ თემატიკა შეიცვალა. აქტუალური იყო ბურთები რევოლუციის ბელადთა პორტრეტებით, რევოლუციური სიმბოლოების სათამაშოები, პარაშურისტები და ჩრდილოეთის დამპყრობლები. ევროპასა და ამერიკაში კი ამ პერიოდში პოპულარული იყო კლასიკური საშობაო სიმბოლოები, მსხვილი ნათურები.



მეორე მსოფლიო ომის პერიოდში საახალწლო დღესასწაული გამარჯვების იმედს უსახავდა საბჭოთა ადამიანებს და ყველა ცდილობდა, ნაძვის ხე მოერთო. ამ „საომარ“ ნაძვის ხეებზე ეკიდა სათამაშო ჯარისკაცები, ტანკები, პისტოლეტები, ხუთქიმიანი ვარსკვლავები.



ომისშემდგომ მძიმე პერიოდში საბჭოეთში ნაძვის ხეებს ხილითა და ბოსტნეულით რთავდნენ. გამოჩნდნენ ზღაპრული პერსონაჟები: თოვლის ბაბუა და ფიფქია, ექიმი აიბოლიტი, ტყის მხეცუკები და ჩიტები.




ევროპაში პოპულარული იყო მუყაოს ორმხრივი სათამაშოები. ასევე, არომატული თაფლაკვერები.



50-60-იანი წლების საახალწლო მოდა



ევროპაში მინიმალიზმის ერა დადგა, პოპულარული გახდა უბრალო ბურთები, წარმოებაში ჩაუშვეს ახალი მასალა - პარალონი. და სწორედ ამ დროიდან დაიწყეს მინის სათამაშოების პლასტიკურით შეცვალა. ამერიკასა და საბჭოთა კავშირში მოდაში შემოვიდა ვერცხლისფერი ნაძვები, მინიმალური დიზაინით.



სხვადასხვა ფერის მინის გირლანდები - 50-იანების მოდა.



საბჭოთა კავშირში ფილმ „საკარნავალო ღამის“ გამოსვლის შემდეგ პოპულარული გახდა საათის ფორმის სათამაშოები, რომლებზეც დრო 23:55-ზე იყო გაჩერებული.



60-იანი წლების დასაწყისში საბჭოთა მოქალაქეები ნაძვის ხეზე სიმინდისა და რაკეტის ფორმის სათამაშოებს კიდებდნენ - სოფლის მეურნეობა და კოსმოსი მთავარი და მუდმივად განხილვადი თემები იყო.




გამოჩნდა პირველი ელექტრონული გირლანდები - ფერადი და მოციმციმე მსხვილი ნათურები.



70-80-იანი წლების მოდა



ამ პერიოდში საბჭოთა კავშირში სათამაშოების ახალ-ახალი ფაბრიკები იხსნებოდა და ამიტომაც ინდივიდუალიზმი სადღაც დაიკარგა... ყველა ერთნაირ ბურთებსა და გირჩებს, ყინულის ლოლუებსა და ზანზალაკებს უშვებდა.




მოდური გახდა სათამაშოები თავისავე საკიდით, სხვადასხვა ფერის „წვიმები“, ფუმფულა სათამაშოები. დაბრუნდა მე-20 საუკუნის დასაწყისის მოდა, იმ გაგებით, რომ ისევ დაიწყეს ნაძვის ხეების მდიდრულად მორთვა - ამდენ სათამაშოში ნაძვის ხე აღარც კი ჩანდა.



80-იანი წლების ბოლოს ადამიანები ჰოროსკოპებმა გაიტაცა და არ შეიძლება, ეს სათამაშოებზეც არ ასახულიყო. გამოჩნდა სათამაშოები ზოდიაქოს ნიშნებითა და წლის სიმბოლოებით, რომლებიც ახლაც მოდურია.



90-იანებისა და მილენიუმის ნაძვის ხე



90-იან წლებში გამოჩნდა ხელნაკეთი სათამაშოები.



მოდაში შემოვიდა რეტრო და ბებიების სკივრებიდან ამოალაგეს 40-იანი წლების ბამბისა და მინის სათამაშოები. შედარებით თანამედროვეებიდან პოპულარული იყო ბურთები „შუაგულით“.



2000 წლიდან მოდაში შემოდის ნაძვის ხის ორ ფერში მორთვა, მაგალითად, ოქროსფერი და წითელი ბურთებით, ან ლურჯით და ვერცხლისფერით. მოდიდან გადავიდა საბჭოთა თემატიკის სათამაშოები, თუმცა ბოლომდე მაინც არ გამქრალა.



ევროპაში პოპულარული იყო „ყინულის სათამაშოები“ და უბრალო, გამჭვირვალე ბურთები. ამერიკაში კვლავაც შენარჩუნდა ტრადიცია: ფერადი მსხვილი ბურთები, ტკბილეული და რაც შეიძლება ბევრი გირლანდა.



თანამედროვე ტენდენციები: მოდაშია ყველაფერი



თანამედროვე ტენდენციით აბსოლუტური თავისუფლება ცხადდება - ყველას შეუძლია, საკუთარ შემოქმედებით ფანტაზიას გასაქანი მისცეს. თუმცა მინიტრენდები მაინც ყოველ წელსაა. ეს უკვე სათამაშოს ან სტილის არჩევაზეა დამოკიდებული. 2019 წლისთვის მოდურია სპირალური ნაძვის ხე, ერთ ფერში.



საინტერესოა, რომ მოდის ცვალებადობა გავლენას არ ახდენს ტრადიციულ სათამაშოებზე, რომლებიც ყველა ქვეყანას თავისი აქვს. და ასევე, ისეთებზე, რომლებიც ბედნიერების მომტანებად მიიჩნევა.



მაგალითად, გერმანიაში ასეთია მაკნატუნა, სკანდინავიის ქვეყნებში - საახალწლო თხა, ფინეთში - სანთლები და დროშები, ბრაზილიაში - ბამბის ქულა, ამერიკაში - ანგელოზის ფიგურა, იაპონიაში - ხელით შეკერილი ტემარის ბურთები.


დღის ჰოროსკოპი

6 დეკემბრის ასტროლოგიური პროგნოზი

რას გვირჩევენ ვარსკვლავები 6 დეკემბრისთვის ჯანმრთელობის, ბიზნესის და სიყვარულის მიმართულებით?
იცით თუ არა...

რას ნიშნავს ასო „V“ თქვენს ხელისგულზე?!

ხელისგულზე დააკვირდით გულის ხაზს. იგი იწყება ნეკა თთის ძირიდან, მიუყვება მთელს ხელისგულს და მთავრდება შუა და საჩვენებელ თითებს შორის. თუკი ეს ხაზი შუა ნაწილიდან ორად იყოფა, ესე იგი, თქვენ ნანატრი „V“ ასოს ბედნიერი მფლობელი ხართ!
ამბები

ადამიანის ხუთი გრძნობა ცხოვრების ხელოვნების აღმოსაჩენად

წლევანდელი TEDxTbilisi-ის მთავარი თემა „ცხოვრების ხელოვნებაა“.
კულინარია

საახალწლო ლაბა ქათმის ხორცით - ძალიან გემრიელი და ნოყიერი

ქათმის ლაბას ძალიან ადვილად მოამზადებთ, თანაც საახალწლო სუფრასაც უდავოდ დაგიმშვენებთ.
დღის ჰოროსკოპი

5 დეკემბრის ასტროლოგიური პროგნოზი

რას გვირჩევენ ვარსკვლავები 5 დეკემბრისთვის ჯანმრთელობის, ბიზნესისა და სიყვარულის მიმართულებით?
ამბები

გიორგის სიცოცხლისთვის!

პატარა გიორგის საზოგადოების დახმარება სჭირდება!
ამბები

„ვისოლ ჯგუფმა“ სტუდენტური დასაქმების ფორუმი გამართა  

„ვისოლ ჯგუფმა“ „ფაბრიკაში“ სტუდენტებისთვის დასაქმების ფორუმი გამართა. 
ამბები

„ჯიპიაი ჰოლდინგი“ ჰოსპიტალური ბიზნესიდან გადის

„ჯიპიაი ჰოლდინგი“, ევროპელი აქციონერების გადაწყვეტილებით, სადაზღვევო ბიზნესსა და მასთან დაკავშირებულ საქმიანობაზე მოახდენს ფოკუსირებას. შვილობილი „ჯეო ჰოსპიტალსის“ კლინიკების ქსელი შპს „ქართულ ჰოსპიტალთა ჯგუფმა“ შეიძინა.
დღის ჰოროსკოპი

4 დეკემბრის ასტროლოგიური პროგნოზი

რას გვირჩევენ ვარსკვლავები 4 დეკემბრისთვის ჯანმრთელობის, ბიზნესისა და სიყვარულის მიმართულებით?
იცით თუ არა...

1992 წლის 3 დეკემბერს მსოფლიოში პირველი SMS გაიგზავნა!

მართალია, გამოგონებათა უმრავლესობა, რომლებმაც სამყარო შეცვალა, აშშ-ში შეიქმნა, თუმცა sms - Short Message Service სრულად ევროპული მიღწევაა... 
თემატური ჰოროსკოპი

რას მოასწავებს 2020 წლის სიმბოლო - თეთრი მეტალის ვირთხა?

2020 წელი, აღმოსავლური კალენდრის მიხედვით, ვირთხის წელიწადია. ჩინური ჰოროსკოპის კალენდარში ვირთხა პირველია 12 ცხოველს შორის, რომლებიც ერთმანეთს გარკვეული თანმიმდევრობით ცვლიან. 
დღის ჰოროსკოპი

3 დეკემბრის ასტროლოგიური პროგნოზი

რას გვირჩევენ ვარსკვლავები 3 დეკემბრისთვის ჯანმრთელობის, ბიზნესისა და სიყვარულის მიმართულებით?