ბავშვების საახალწლო სურვილები - „შპარგალკა“ მშობლებისთვის

ბავშვების საახალწლო სურვილები - „შპარგალკა“ მშობლებისთვის

საკნატუნო ამბები

31 დეკემბერი 16:00, 2018 წელი

რატომ გიყვარს ახალი წელი და რას ისურვებდი საჩუქრად თოვლის ბაბუისგან? „ფანტაიმის“ მიერ დასმულ ამ კითხვებს ისეთი საინტერესო და გულწრფელი პასუხები გასცეს პატარებმა, არ შეგვეძლო, თქვენთვისაც არ გაგვეზიარებინა...

მარიკო გოგუა, 3 წლის


 


ახალი წელი კარგია, იმიტომ, რომ საჩუქრებს ველოდები. ნაძვის ხე ლურჯი სათამაშოებით და თეთრი ანგელოზებით გავაწყვე. ნაძვის ხის სათამაშოს თოვლის ბაბუა ახატია. ნაძვის ხესთან ყუთი დევს, სადაც თოვლის ბაბუა საჩუქარს დამიტოვებს. დილას გავიღვიძებ და ვნახავ საჩუქრებს. ახლა გზაშია და მალე მოვა. მინდა, მომიტანოს ვეფხვის და ძაღლის ფორმა. თოვლის ბაბუას ლამაზი ირმები ჰყავს და მათთან ერთად დაფრინავს. თოვლის ბაბუა, დიდი ხანია გელოდები და მალე მომიტანე საჩუქრები, რაა.


 


გეგა წიკლაური, 6 წლის


 


ახალ წელს ძალიან მინდა, თოვლი მოვიდეს და ჩემს ძმასთან ერთად ვიგუნდაო. ახალი წელი იმიტომ მიყვარს, რომ თოვლის ბაბუას საჩუქრები მოაქვს. წერილი უკვე დავუწერე და მაცივარზე დავამაგრე. მერე შემოიპარება თოვლის ბაბუა და წაიღებს. მინდა, რომ პულტიანი დრონი მომიტანოს. სახლი უკვე გავაფორმეთ და ახალი წლის დასახვედრად მზად ვართ. გოზინაყზე გადარეული ვარ და კიდევ ვსვამ კომპოტებს ახალ წელს. მე რომ თოვლის ბაბუა ვიყო, იცი, რას ვიზამდი? ყველა საჩუქარს ჩემთვის დავიტოვებდი.


 


სესილი კახაძე, 5 წლის


 


მე ძალიან ლამაზი ნაძვის ხე მაქვს. მე და დედიკომ ერთად მოვრთეთ. თოვლის ბაბუას წერილი დავუწერე. ძალიან მინდა, მომიტანოს კატო თოჯინა და სხვანაირი შოკოლადები. წერილს თოვლის ბაბუას დედიკო წაუღებს, თან ეტყვის, რომ კარგად ვიქცევი და აუცილებლად გამომიგზავნოს, რაც მინდა. ისე, ერთი საჩუქარი უკვე გამომიგზავნა თოვლის ბაბუამ, ზეიმისთვის ლამაზი ბალეტკები. დანარჩენებსაც ველოდები. თოვლის ბაბუა საჩუქარს კართან მიტოვებს და მერე დნება. რომ ვნახო თოვლის ბაბუა, ვკითხავ: რატომ დნება?


 


ანა დანელია, 9 წლის



ძალიან მიყვარს ახალი წელი. ჩემთვის სახალისო დღესასწაულია. ამ დღეს მთელი ოჯახი ერთად ვართ და მიხარია. ყველაზე მეტად საახალწლოდ სახლის გაფორმება მიყვარს. სამზარეულოში ფუსფუსიც მიყვარს, ჯერ არ ვიცი კერძების მომზადება, მაგრამ მალე დავიწყებ. თოვლის ბაბუის არსებობის არ მჯერა. დარწმუნებული ვარ, რომ არ არსებობს. ამდენ ბავშვს როგორ მოუტანდა საჩუქარს? შესაბამისად, წერილსაც არ ვუწერ. შარშან ჯერ კიდევ მჯეროდა, რომ თოვლის ბაბუას მოჰქონდა საჩუქრები, მაგრამ მერე დავრწმუნდი, რომ ეს დედიკოსგან იყო. დედიკოს და მამიკოს პირდაპირ ვეუბნები, რა მინდა საახალწლო საჩუქრად. წელს ვთხოვე, ლეკვი მაჩუქონ. სახელი ჯერ არ მომიფიქრებია, მაგრამ კარგ სახელს შევურჩევ. საჩუქრებზე მეც ვზრუნავ. დედიკოს და მამიკოს გუშინ გავუმზადე საჩუქარი. წერილსაც დავუწერ და დავამატებ.


 


 


 


ილია ინჯია, 6 წლის



ახალი წელი იმიტომ მიყვარს, რომ თოვლის ბაბუას ჩემთვის საჩუქრები მოაქვს. ორი წერილი დავუწერე. ერთ წერილში ვთხოვე, მომიტანოს მანქანების ტრასა და მეორე წერილში - პატრულის თვითმფრინავი. წერილები ნაძვის ხეზე დავდე, შემოიპარება თოვლის ბაბუა და წაიღებს. სახლი უკვე მოვრთეთ საახალწლოდ. წელს ხუთი ნაძვის ხე მაქვს. ახალ წელს თოვლის ბაბუა უნდა შევაშინო. ფარდის უკან დავდგები. რომ შემოვა თოვლის ბაბუა, გამოვვარდები და შევაშინებ. თოვლის ბაბუა იცი, სად ცხოვრობს? სადაც ბევრი თოვლია. ისე, მე რომ თოვლის ბაბუა ვიყო, სადმე ისეთ კუნძულზე ვიცხოვრებდი, სადაც სულ ცხელა. ახალ წელს წყნეთში ავდივარ ჩემს მამიდაშვილებთან და ვთამაშობთ. თოვლის ბაბუამ საჩუქარი წყნეთში, ნაძვის ხის ქვეშ უნდა დამიტოვოს. მიხვდება თვითონ, სად უნდა მოვიდეს ჩემს გასახარებლად.


 


 


გიორგი დანელია, 4 წლის



ახალ წელს კარგად ვერთობი. დედიკოს ვუჯერებ და ზორო ვარ. ზოროს ფორმა არ მაქვს, მაგრამ ბეტმენის მაქვს. ბეტმენი უფრო კარგია. თოვლის ბაბუას წერილი დავუწერე. მინდა, მომიტანოს პულტიანი, დიდი, წითელი მანქანა. თოვლის ბაბუა თოვლში ცხოვრობს. რომ მოვა, საჩუქარს ნაძვის ხესთან დამიტოვებს. ისე ჩუმად მოვა, რომ ვერ გავიგებ. საძინებლიდან რომ გამოვალ, ნაძვის ხესთან დამხვდება მანქანა.


 


დათა ხელაია, 10 წლის



ჩემთვის ახალი წელი კარგი დღესასწაულია, იმიტომ, რომ თან საჩუქრებს ვიღებ, თან კარგი განწყობაა. საახალწლოდ სახლის გაფორმებაშიც სულ ვერთვები. ძალიან ლამაზი ნაძვის ხე გვაქვს. ახალი წლის მენიუდან ყველაზე მეტად მიყვარს ბაჟე და გემრიელად მივირთმევ. თოვლის ბაბუა, რა თქმა უნდა, არსებობს. ალბათ, ჩრდილოეთ პოლუსში ცხოვრობს და მაგიურად ახერხებს ყველა ბავშვის დასაჩუქრებას ერთ ღამეში. ვინც კარგად იქცევა, მათთვის ყველაზე კარგი საჩუქრები მოაქვს. ვინც მშობლებს არ უჯერებს და ცუდად იქცევა, მათთვისაც მოაქვს, ოღონდ ისეთი კარგი საჩუქარი არა. წერილი უკვე დავუწერე, მაგრამ ვერ გაგიმხელთ, რა დავუწერე. სიმართლე გითხრათ, არ ვიცი, წერილი ვის მიაქვს თოვლის ბაბუასთან, მაგრამ ნაძვის ხის ქვეშ რომ დავტოვებ წერილს, ერთ დღესაც გამოვალ ოთახიდან და წერილი აღარ დამხვდება. ახალი წელი კიდევ იმიტომ მიხარია, რომ სკოლაში არდადეგები მაქვს და მინდა, უფრო დიდხანს გაგრძელდეს ეს დღეები.


 


ელენე ახვლედიანი, 11 წლის



ჩემთვის ახალი წელი ოჯახური დღესასწაულია, რადგან ყოველ წელს, ძირითადად, ოჯახურ გარემოში ვხვდებით, მყუდროდ და თბილად. ნაძვის ხის მორთვა მიყვარს, მით უმეტეს, როდესაც ყოველ წელს ახალ სათამაშოებს ვამატებ ხოლმე. თოვლის ბაბუა არ არსებობს. წინა წელს ნაწილობრივ მჯეროდა, მაინც დავუწერე წერილი და საჩუქრებიც მივიღე, თუმცა, წელს ცოტა შემეცვალა აზრი და ვფიქრობ, რომ მშობლები არიან ამ ყველაფრის სათავეში. პირდაპირ დედას ჩამოვუთვალე, რა მსურს საახალწლოდ. ახალი წლის დღეებში  დედასთან ერთად სამზარეულოში ყოფნაც მიყვარს. კერძების მომზადებაში არ ვერევი, მაგრამ ვცდილობ, სუფრა ლამაზად გავაწყო, ლამაზი ხელსახოცები გვქონდეს. მიყვარს, მაღაზიებში რომ დავდივართ და ვარჩევთ საახალწლოდ რაღაცებს. კერძებიდან განსაკუთრებულად მიყვარს საცივი. დედა ხშირად ამზადებს ხოლმე ბაჟეს, მაგრამ მაინც ისეთი გემრიელი არ არის, როგორც ახალ წელს. სკოლის არდადეგებიც ერთ-ერთი მიზეზია ჩემი საახალწლო სიხარულის. ორკვირიანი დასვენება გვაქვს და ამ პერიოდში სულ ვცდილობთ, სადმე წავიდეთ. მაგალითად, წელს ვაპირებთ, აგარაკზე შევხვდეთ ახალ წელს მეგობრებთან ერთად.


 


ანასტასია ჩხაიძე, 3 წლის



იცი, რომ თოვლმა დამირეკა, ვითამაშოთო? უნდა ვეთამაშო თოვლს, მომენატრა, უნდა ვაკოცო. ნაძვის ხე მაქვს სახლში. ძალიან ლამაზია. თოვლის ბაბუს წერილი გავუგზავნე. დავაბარე კევი, კიდევ პომადა და სათამაშო. პომადა მინდა გოგოსი და წითელი. ერთი საჩუქარი უკვე გამომიგზავნა თოვლის ბაბუამ. ძალიან დიდი დათუნიაა და სახელად ძაღლი დავარქვი.


 


დემეტრე წიკლაური, 5 წლის


 


ახალ წელს მინდა, თოვლის ბაბუამ მომიტანოს რობოტი, რომელიც ხმას გამოსცემს და დინოზავრად გადაიქცევა. მართლა, თოვლის ბაბუას არ აქვს ასეთი სათამაშო? გულით მინდა, რომ მქონდეს. მაგრამ, თუ ასეთი არ არსებობს, იყოს მარტო რობოტი, რომელიც ხმას გამოსცემს. მე რომ თოვლის ბაბუა ვიყო, დედიკოს მივუტანდი საჩუქარს. რაც უნდა, იმას ვაჩუქებდი, შეიძლება, თოჯინა უნდოდეს და ვაჩუქო. ახალი წელი ძალიან მიყვარს. ყველაფერი განათებული და ლამაზია. ნაძვის ხე უკვე ავაწყვეთ, ძალიან ლამაზი გამოვიდა. ახალ წელს ბაღში ზეიმი მექნება და თოვლის ბაბუა უნდა ვიყო, ფორმა უნდა ჩავიცვა, წვერებიც მექნება. კიდევ იმიტომ მიყვარს ახალი წელი, რომ ბაღი მთავრდება. ბაღი კი მიყვარს, მაგრამ დასვენება მაინც მირჩევნია. ახალ წელს ასაფეთქებლებლებსაც ვაფეთქებთ. არ მეშინია, უბრალოდ, თვალები მეხუჭება, მეტი არაფერი.


 

NEW

„ვისოლი“ და „უნიქარდი“ თანამშრომლობის 10 წლის იუბილეს აღნიშნავენ

„ვისოლი“ და „უნიქარდი“ თანამშრომლობის 10 წლის იუბილეს აღნიშნავენ და ერთგულებისათვის ჯილდოდ მომხმარებლებს საიუბილეო სიურპრიზებს სთავაზობენ.
დღის ჰოროსკოპი

9 ივლისის ასტროლოგიური პროგნოზი

რას გვირჩევენ ვარსკვლავები 9 ივლისისთვის ჯანმრთელობის, ბიზნესის და სიყვარულის მიმართულებით?
ამბები

მენტალური ჯანმრთელობის ახალი ცენტრი და უფასო პროგრამები - „ევროპაბეთის“ მხარდაჭერით Mental Hub გაიხსნა

ბოლო რამდენიმე წელია სოციალური პასუხისმგებლობა ბიზნესის სფეროს სტრატეგიის ნაწილი გახდა, - ამის შესახებ ინფორმაციას „ევროპაბეთი“ ავრცელებს.
დღის ჰოროსკოპი

8 ივლისის ასტროლოგიური პროგნოზი

რას გვირჩევენ ვარსკვლავები 8 ივლისისთვის ჯანმრთელობის, ბიზნესის და სიყვარულის მიმართულებით?
ამბები

Covid-19-თან მებრძოლ სამედიცინო პერსონალს Responsible.ge ფსიქოთერაპიის კურსებს დაუფინანსებს

 „ევროპაბეთის“ მხარდაჭერით ახალი ფსიქორეაბილიტაციის ცენტრი „მენტალ ჰაბი“ გაიხსნა  Responsible.ge-ს დაფინანსებით ფსიქორეაბილიტაციის კურსის გავლას თამაშზე დამოკიდებული ადამიანები „მენტალ ჰაბშიც“ შეძლებენ
ამბები

„ჯიპიაი ჰოლდინგის“ ტრანსფორმაციის სტრატეგია: წინ, ახალი რეალობისკენ!

„ჯიპიაი ჰოლდინგი“ ბაზარზე განვითარების ახალ სტრატეგიას აანონსებს, რაც საქართველოში და მსოფლიოში მიმდინარე ტენდენციებს ეხმიანება და გრძელ ვადაში კომპანიის სწრაფ ზრდას უზრუნველყოფს, - ამის შესახებ „ჯიპიაი ჰოლდინგში“ აცხადებენ.
დღის ჰოროსკოპი

7 ივლისის ასტროლოგიური პროგნოზი

რას გვირჩევენ ვარსკვლავები 7 ივლისისთვის ჯანმრთელობის, ბიზნესის და სიყვარულის მიმართულებით?
ამბები

9 რამ, რაც ყველას გამოგვივლია გამოცდების წინ

ტექნიკის ბრენდმა „ზუმერმა“ წინასაგამოცდოდ აბიტურიენტების წახალისება გადაწყვიტა და ვიდეორგოლში ის მომენტები შეკრიბა, რომელიც ყველას გამოგვივლია გამოცდების წინ.
ამბები

რეგიონის მთავარი ტურნირი ნარდში - 50 000 ლარისთვის 5 ქვეყანა იბრძოლებს

სამაგიდო თამაშების ყველაზე დიდი პლატფორმა რეგიონში ევროპაბეთი და საქართველოს სპორტული ნარდის ფედერაცია, პროფესიონალურ ნარდში პირველ რეგიონალურ ონლაინ-ჩემპიონატს ატარებენ. 5 ივლისიდან სტარტი აიღო საკალიფიკაციო პირველობებმა, უშუალოდ ჩემპიონატი კი 26 ივლისს, europebet.com-ზე დაიწყება, - ამის შესახებ ინფორმაციას „ევროპაბეთი“ ავრცელებს.
დღის ჰოროსკოპი

6 ივლისის ასტროლოგიური პროგნოზი

რას გვირჩევენ ვარსკვლავები 6 ივლისისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

5 ივლისის ასტროლოგიური პროგნოზი

რას გვირჩევენ ვარსკვლავები 5 ივლისისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

4 ივლისის ასტროლოგიური პროგნოზი

რას გვირჩევენ ვარსკვლავები 4 ივლისისთვის ჯანმრთელობის, ბიზნესის და სიყვარულის მიმართულებით?