ჩიფსების სახლის პირობებში მოსამზადებლად დაგჭირდებათ:
უსაფუარო თხელი ლავაში
ნატურალური იოგურტი - 100 გრ
პესტო (იტალიური სოუსი) - 50 გრ
მარილი, პილპილი - გემოვნებით
ნაკლებმარილიანი ყველი - 100 გრ
ნიორი - 2 კბილი
ზეითუნის ზეთი - 30 გრ
მომზადების წესი:
სახლში მომზადებული ან ნაყიდი იოგურტი გადაურიეთ პესტოში. დაამატეთ მარილი, პილპილი და დაჭყლეტილი ნიორი.
ლავაშს სილიკონის ფუნჯით გადაუსვით ზეითუნის ზეთი, მოაყარეთ წვრილად გახეხილი ყველი და პიცის საჭრელი დანით დაჭერით თხლად.
გადაუსვით იოგურტითა და პესტოთი მომზადებული სოუსი და შედგით ღუმელში 180 გრადუსზე, დაახლოებით, 12-15 წუთით.
სულ ეს არის. ხრაშუნა ჩიფსები მზად არის.
გემრიელად ახრაშუნეთ.
