სტატისტიკის თანახმად, კაცები სექსზე ყოველ 7 წამში ერთხელ ფიქრობენ. მეცნიერებმა ამ თემასთან დაკავშირებით კვლევა ჩაატარეს და დადგინდა, რომ კაცების 54% დღეში რამდენჯერმე ფიქრობს სექსზე, ხოლო იგივეს ქალების მხოლოდ 19% აკეთებს.
ბუნებრივია, სექსუალური ფიქრები კაცებს ყოველდღიური საქმეების შესრულებაში ხელს უშლის, რაშიც, ალბათ, დამნაშავე კაცობრიობის ევოლუციაა, რადგან კაცების ორგანიზმში მუდმივად არსებობს „საოჯახო სითხე“, რომელიც ყოველთვის მზადყოფნაშია შთამომავლობის გასამრავლებლად. და კიდევ, კაცის ტვინის ნაწილი, რომელიც ემოციებსა და სექსუალურ ფიქრებზეა პასუხისმგებელი, გაცილებით დიდია, ვიდრე ქალის. გასაკვირია, მაგრამ ეს ასეა, მიუხედავად იმისა, რომ ემოციურებად უფრო ქალებს მიიჩნევენ და არა კაცებს.
სექსუალურ ფიქრებში არცთუ ისე უმნიშვნელო როლს ასრულებს ჰორმონი ტესტოსტერონი. კაცი ძალიან დიდ ყურადღებას უთმობს იმ ობიექტს, რომელიც სექსუალური სურვილების დაკმაყოფილებას უკავშირდება. სექსუალური ფანტაზიის დახმარებით კაცებს შეუძლიათ, მოდუნდნენ და თავი მშვიდად იგრძნონ სექსუალური აქტის დროს. ეს არის ერთგვარი მომზადება ან ვარჯიში მნიშვნელოვან მოვლენამდე. გარდა ამისა, სექსუალური ფიქრები ეხმარება კაცებს დაძაბულობის მოხსნასა და დარდების მოშორებაში. მაგრამ არსებობს მინუსებიც. მეცნიერები ამტკიცებენ, რომ, რაც უფრო მეტ ტესტოსტერონს შეიცავს კაცის ორგანიზმი, მით უფრო სულელურ და არამომგებიან გადაწყვეტილებებს იღებს ის ფინანსურ საკითხებში. ამასთანავე, ისინი, ვინც ძალიან ხშირად ხატავენ საკუთარ ფანტაზიებში პორნოგრაფიული ხასიათის სურათებს, ძალადობისკენ არიან მიდრეკილები.
გამოსავალი ერთია: ზომიერება! ხოლო ის ფაქტი, რომ კაცები ხშირად ფიქრობენ პიკანტურ მომენტებზე, მათ ცუდ ადამიანობაზე ან ნაკლზე, ბუნებრივია, არ მეტყველებს.
ასე რომ, გოგოებო, ბუნებამ ბრძანა და მასთან კამათს აზრი არ აქვს.