გამოცემა Bloomberg-ის ინფორმაციით, ეს ტენდენცია ამერიკის შეერთებულ შტატებში ბოლო წლებია, დიდი პოპულარობით სარგებლობს. ამას კი მსხვილი დამსაქმებლები რამდენიმე მიზეზით ხსნიან:
ჯერ ერთი - პენსიონერებს აქვთ საუკეთესო სამუშაო ეთიკა და უნარები; შეუძლიათ, უკეთ გამოხატონ კლიენტის მიმართ კეთილგანწყობა და სმარტფონში არ არიან ცხვირჩარგულები;
მეორე - პენსიონერებს აქვთ კარგი სამუშაო გამოცდილება და, ამის ფონზე, შედარებით დაბალ ანაზღაურებას ითხოვენ, რადგან მათი მიზანია, უბრალოდ, დამატებითი შემოსავალი და ხალხთან მეტი კომუნიკაციის შესაძლებლობა ჰქონდეთ;
მესამე - დამსაქმებლებს უჭირთ კარგი თანამშრომლების მოძიება და ამჯობინებენ ხანდაზმული ადამიანების დაქირავებას, რომლებსაც, მინიმუმ, ზემოთ ჩამოთვლილი უპირატესობები მაინც აქვთ;
***
აშშ-ს შრომის სტატისტიკის ბიუროს პროგნოზით, 2024 წლისთვის 64-დან 74 წლამდე ასაკის დასაქმებულ ამერიკელთა რაოდენობა 4,5%-ით გაიზრდება; 16-დან 24 წლამდე დასაქმებულთა რიცხვი კი 1,4%-ით შემცირდება.
***
თქვენ რას ფიქრობთ პენსიონერთა დასაქმებაზე?