ადამიანებმა მშენებლობა იმ დღიდან დაიწყეს, როგორც კი გაჩნდა საჭიროება, დაეცვათ თავი სიცივისგან, ნალექისგან თუ ცხოველისგან. შემდეგ სიმაღლეზე მუშაობის საჭიროება დადგა და ხარაჩოც შეიქმნა - სასახლეების, ეკლესიების, გემების ასაგებად.
ხარაჩო, ისევე როგორც ძველ დროში, შეიძლება დამზადებული იყოს მყარი ხის მასალისგან. ხის ხარაჩოები დღესაც აქტიურად გამოიყენება, თუმცა, ძირითადად, დაბალი შენობის მშენებლობისას ან შიდა სარემონტო სამუშაოებისთვის.
თანამედროვე მშენებლობებზე ხის ხარაჩოს დიდი ხანია, ალტერნატივა გამოუჩნდა - ლითონიგან აწყობილი კონსტრუქციები.
რომელ ხარაჩოს აირჩევთ - ხის თუ ლითონის კონსტრუქციისას, დღეს ეს დამოკიდებულია სამშენებლო ობიექტის სირთულეზე, შემდეგ კი - თქვენს სურვილსა და ჯიბეზე, რადგან რკინის ხარჩოების სხვადასხვა სახეობები არსებობს. თიოთოეულს საკუთარი თავისებურებები და უპირატესობები გააჩნია, შესაბამისად კი განსხვავებულია მათი გამოყენების ობიექტები.
ხარაჩოების ერთ-ერთი სახეობაა ჩარჩოსებური - იგი შედარებით იაფია, კონსტრუქცია მოკლე დროში ეწყობა და გამოიყენება მარტივი ფასადების მშენებლობა/რემონტისთვის;
არსებობს ასევე ხამუთიანი ხარაჩოები - ხამუთიანი ხარაჩოს კონსტრუქცია შედგება მილისებრი საყრდენებით, რომლებიც ერთმანეთს უკავშირდება ხამუთებით გადაბმული დიაგონალური და ვერტიკალური დეტალებით;
კიდევ ერთი სახეობაა სოლისებრი ხარაჩოები - მასში კონსტრუქციის ელემენტები სოლებით მაგრდება ერთმანეთზე. ასეთი ტექნოლოგია უზრუნველყოფს სიმყარეს, დიდ ტვირთამწეობას, კონსტრუქციის აგებისა და დაშლის სიმარტივეს.
დაბოლოს შტირებიანი ხარაჩო - ის სერიოზული მოწყობილობაა, რომელიც, საჭიროების შემთხვევაში, უძლებს 200-დან 500 კგ-მდე ტვირთს ერთ კვ. მეტრზე და გამოდგება მრავალი დანიშნულებით – სამშენებლო, სარემონტო, ფასადის სარესტავრაციო სამუშაოებისთვის.
ამიტომ ვიდრე, მაგალითად, აგარაკის ან სოფელში სახლის რემონტს დაიწყებთ, აუცილებლაად დეტალურად უნდა იცოდეთ, რატომ ან რა სახის ხარაჩო გჭირდებათ.
ამასთან გაითვალსწინეთ, რომ მყარი ხარაჩო აუცილებელი პირობაა მშენებლობაზე დასაქმებული პერსონალის უსაფრთხოებისთვის.
ხარაჩოების მოწყობის დეტალები კი სიმაღლეზე მუშაობის უსაფრთხოების მოთხოვნების ტექნიკური რეგლამენტის 477- პუნქტშია გაწერილი და აწესებს დამსაქმებელთა - დასაქმებულთა ვალდებულებებს, უსაფრთხო და ჯანსაღი სამუშაო გარემოს შესაქმნელად.
