სამშენებლო ბადე - დამცავი საშუალება, რომელსაც საყოფაცხოვრებო მიზნებითაც გამოიყენებთ

ალბათ შეგიმჩნევიათ მშენებლობებზე ჩამოფარებული ბადეები, რომლებიც როგორც მშენებლობაზე დასაქმებული ადამიანების, ისე გამვლელების უსაფრთხოებისთვის არის განკუთვნილი.

სამშენებლო ბადე, ძირითადად, პოლიმერული ძაფისგან იქსოვება. ასეთი ძაფი შეიძლება წარმოებული იყოს კაპრონისგან, პოლიეთილენისგან ან პლასტიკისგან;

ქსოვის სპეციალური ტექნოლოგიის დამსახურებით მიიღება მტკიცე და საიმედო მასალა, რომელიც: აკავებს ულტრაიისფერ გამოსხივებას, ამასთან კარგად ატარებს მზის სინათლეს და ჰაერს; არ შეიცავს ტოკსიკურ ნივთიერებებს; მსუბუქია, მაგრამ მარტივად უძლებს დიდ დატვირთვას; არ იცვლის ფერსა და სტრუქტურას ატმოსფერული ნალექებისა თუ მზის სხივების ზემოქმედების შედეგად;

თანაც პოლიმერული ძაფის თვისებების გათვალისწინებით, ბადე, გარკვეული მექანიკური ზემოქმედების შედეგად რომც გაიჭრას, კიდეები არ ირღვევა და არ საჭიროებს დამატებით გამაგრებას.

მშენებლობის გარდა, ამ პროდუქტს ძალიან ეფექტურად იყენებენ საყოფაცხოვრებო მიზნებითაც.

ის ესთეტიკურად სასიამოვნო შესახედია, მსუბუქი და ელასტიკურია. თანაც დაბალი ფასი აქვს და მრავალჯერადად შეგიძლიათ გამოიყენოთ.
მაგალითად:

შინაური ფრინველებისთვის ვოლიერების მოსაწყობად;



დროებითი ღობეების ასაგებად - ასეთი ღობის მონტაჟი არ მოითხოვს დიდ ძალისხმევას;

სათბურების გადასახურად - მას აქვს საუკეთესო ჰიდრო და თბოიზოლაციის თვისებები და უძლებს ტემპეტარურას  -50°С -დან +85°С-მდე;

ქოლგების (ნავესის) მოსაწყობად აივნებზე ან ეზოებში - დაგიცავთ ნალექისაგან და ულტრაიისფერი სხივების მავნე ზემოქმედებას;

ნათესების დასაცავად სეტყვისგან - საკუთარი ხელით შეგიძლიათ ასეთი დამცავი ფარის მოწყობა და შემდეგ დაშლა;

სათამაშო მოედნის შემოსასაზღვრად - პოლიეთილენის ბადე დიდ სიმძიმესა და  დარტყმას თავისუფლად უძლებს. თანაც შეჯახებისას ტრამვის საშიშროებაც არ არსებობს;

სამშენებლო ბადის ფერებში ფართო არჩევანია - მწვანე, თეთრი, ნარინჯისფერი, ცისფერი, ყვითელი... ნაქსოვის სიმჭიდროვეც სხვადასხვაა, რაც საშუალებას გაძლევთ, თქვენი მიზნებისთვის ყველაზე ოპტიმალური ვარიანტი აირჩიოთ.

ასე რომ, შეგიძლიათ იაფად და მარტივად ბევრი თავისტკივილი აირიდოთ.