მიუხედავად იმისა, გჯერავთ თუ არა სასწაულების და თოვლის ბაბუის, ახალი წლის ღამე სწორედ შესაფერისი მომენტია, რომელიც ბავშვობაში, ზღაპარში გვაბრუნებს და კვლავ ვიწყებთ ოცნებას და დიდი ხნის ნანატრი სურვილების რეალიზებას.
სურვილების ასრულებისთვის უპირველესად საჭიროა წინასწარ ჩამოწეროთ ისინი ფურცელზე, ხოლო ქვემოთ შემოთავაზებული ვარიანტები მის ასრულებაში დაგეხმარებათ.
ზღაპრული მეთოდი - გჯერათ თუ არა თოვლის ბაბუის, დაუწერეთ მას წერილი. აღწერის დროს არ გამოგრჩეთ სასურველი ნივთის არც ერთი დეტალი. ფიქრები მატერიალურია და თუ მათ ფურცელზე გადაიტანთ, სამყარო ამის შესახებ აუცილებლად გაიგებს.
ინტერაქტიული მეთოდი - ინტერნეტში არსებობს ასეთი სერვისი - wish list. არ დაგეზაროთ, შეადგინეთ იმ ნივთების სია, რაც გსურთ, რომ ახალ წელს შეიძინოთ. უპირველესად, ეს ყველაფერი უსარგებლო ნივთებისგან გაგათავისუფლებთ და მეორე, თქვენს მეგობრებს გაუადვილებთ საქმეს და აარიდებთ იმ პრობლემას, რასაც ის „თავის ტკივილი“ ჰქვია, რა გაჩუქონ ახალ წელს. და ბოლოს, კიდევ ერთხელ გაუმეორებთ საკუთარ თავს, რა გინდათ ცხოვრებაში ყველაზე მეტად.
ტრადიციული - ამ შემთხვევაში რომელიმე ქვეყნის ტრადიცია შეიძლება გამოიყენოთ. ჩვენ გვაქვს ასეთი წესი, რომ დავწვათ ის ფურცელი, რომელზეც სურვილი გვაქვს დაწერილი, ფერფლი ჩავყაროთ შამპანურიან ბოკალში და დავლიოთ, სანამ საათი 12-ს ჩამოკრავს.
შერჩევითი - 12 სხვადასხვა ფურცელზე დაწერეთ ყველაზე მნიშვნელოვანი სურვილი და დაიდეთ ბალიშის ქვეშ, ხოლო პირველი იანვრის დილას გამოიღეთ პირველივე ფურცელი, რომელიც ხელში მოგხვდებათ.
შემთხვევითი - მიიღეთ მონაწილეობა რაიმე კონკურსში ან იყიდეთ ლატარიის ბილეთი. ამ შემთხვევაში მთავარი არა მოგება, არამედ იღბალის გამოცდაა! და რწმენა, რომ აუცილებლად გაგიმართლებთ.
ვიზუალური - ძველი მეთოდია, რომელმაც ჩვენამდე ამერიკული კეთილი ფილმებიდან მოაღწია. ნებისმიერი სურვილი გაცილებით სწრაფად რეალიზდება, თუ მას დახატავთ ან გააფორმებთ.
საქმიანი - თუ თქვენ წარმატებული კარიერის გაკეთება გსურთ, ფურცელზე დეტალურად ჩამოწერეთ მიზნის მისაღწევი ბიზნეს-გეგმა. გსურთ ახალი მანქანა? - მაშინ განსაზღვრეთ ყველაფერი - მარკა, ფასი, თქვენი ფინანსური შესაძლებლობები და სქემა, როგორ მოაგროვოთ საჭირო თანხა, ხოლო ახალი წლიდან დაიწყეთ მოქმედება.
თანმიმდევრობითი - ნამან, სანამ სურვილს ჩაიფიქრებთ, გააანალიზეთ გასული წელი, შეაფასეთ მოვლენები და გაიხსენეთ, რა შეგისრულდათ. გადაუხადეთ მადლობა სამყაროს იმისათვის, რაც უკვე გაქვთ, სთხოვეთ შემდეგ ჯანმრთელობა დაა ძალა და მოთმინება. მთავარია დაიცვათ თანმიმდევრობა და თქვენი სურვილები და ოცნებები აუცილებლად ახდება!!!