ექსპერიმენტში 36-მა მოხალისემ მიიღო მონაწილეობა. მათ 8 სხვადასხვა ვიდეო უჩვენეს, რომლებშიც მსახიობები ან ძალიან ცივ, ან ძალიან ცხელ, ან ოთახის ტემპერატურის წყალში ჰყოფდნენ ხელს. მსახიობების სახეს ექსპერიმენტის მონაწილეები ვერ ხედავდნენ.
აღმოჩნდა, რომ ვიდეოების ყველა მაყურებელს მსახიობის ცივ წყალში ხელის ჩაყოფის ნახვისას ხელები ეყინებოდა, ვიდეოში ცხელი წყლის ნახვა კი არანაირ ცვლილებას არ იწვევდა. შესაძლოა, იმიტომ, რომ წყალში ყინული მეტად თვალსაჩინოს ხდის სიცივეს, ვიდრე ცხელი წყალის ორთქლი.
კვლევის ხელმძღვანელი ნილ ჰარისონის თქმით, დაკვირვება, თუ როგორ ემორჩილება ადამიანი გარემოს ექსტრემალური პირობების ზემოქმედებას, მასში ემპათიას ააქტიურებს - ადამიანი იწყებს ნანახის განცდას და ფიზიკურად იმეორებს სიმპტომებს.
სწავლულების თქმით, სხვა ადამინის ქცევის კოპირებას საფუძვლად „სარკისებრი ნეირონების“ მოქმედება უდევს. ეს ნეირონები მაშინ აქტიურდებიან, როცა რაიმეს ვაკეთებთ ან ვუყურებთ, როგორ ასრულებს სხვა მსგავს ქმედებას.
